Mark 5:7 - Sa Ugud Apudyus

⁷ Pun ḵananae napapḵaaw, “Anii! Ngaipaḵa umali ḵan saḵon? Siḵa'ḵ Jesus we Abeng ni Ḵangatuwane Apudyus! Ibagam ḵappos ḵan Apudyus ta adina saḵon dusaon!”

Mark 5:7 Iomraidhean Croise

Matthew 16:16

Ḵanan Simon Peter, “Siḵa Kristu we Abeng ni matattagu we Apudyus.”

Matthew 26:63

Yaḵon gummiginnoḵ. Pun inḵasin os ni ḵangatuwane padi ḵanan, “Sa sinagung ni matattagu we Apudyus, ibagam ḵan diḵani nu siḵa Kristu we Abeng Apudyus.”

Matthew 4:3

Aḵ Satan we pasig sumulisug ummadani ḵan siya woḵ ḵanana, “Nu siḵa Abeng Apudyus, bilinom da annae batu ta ambalinda'ḵ tinapay.”

Matthew 8:29

Inadanida ḵad aḵ Jesus, napapḵaawda woḵ ḵananda ḵan siya, “Siḵae Abeng Apudyus, Anii! Ngaipaḵa umali ḵan diḵani? Ummaliḵa ḵamman sina ta inḵa diḵani dusaon si daampun dumatong ustu we timpu?”

Mark 1:24

“Anii! Jesus we iNazareth, ngaipaḵa umali ḵan diḵani? Ummaliḵa ḵamman ta dadailom diḵani? Igammuḵe siḵa Nasantuwane imbuun Apudyus.”

Mark 14:61

Yaḵon gummiginnoḵ. Ḵanan os ni ḵangatuwane padi, “Siḵa ḵad ain Kristu we Abeng ni madaydayawe Apudyus?”

Mark 3:11

Innilan ḵad os da naaḻanan aḵ Jesus, ummadanida woḵ nanalluḵuda ḵan siya woḵ ḵanan da aḻane simpopoḵaw, “Siḵa Abeng Apudyus!”

Mark 5:6

Intapna ḵad aḵ Jesus, nanoddaḵe ummoy niyabot woḵ nanalluḵu si sinagungna.

Mark 5:8

Imbagana ḵaḵnat te innilan ḵad Jesus sadi ye laḻaḵi, ḵananae namaḻyaw, “Siḵae aḻan, ḵumassadḵa!”

Luke 1:32

Amod ḵabooḻana ya ngannonda Abeng ni Ḵangatuwane Apudyus. Siya an-ariyon Apudyus we isuna'ḵ Ari David we daḵdaḵoḻna.

Luke 4:34

“Anii! Jesus we iNazareth, ngaipaḵa umali ḵan diḵani? Ummaliḵa ḵamman ta dadailom diḵani? Igammuḵe siḵa Nasantuwane imbuun Apudyus.”

Luke 6:35

Yaḵon ayatonyu da ḵabusuḻyu ya ḵoonyu da ambaḻu ḵan dida, ḵad pagawatanyu dida taḵon ay nu adiyupun namnamaone ipaulida. Nu ḵoonyu ḵaḵna, daḵoḻ gungunayu ya miyiyap ḵayu'tta abeng ni Ḵangatuwane Apudyus. Te aḵ Apudyus, an-anggom atta lawweng ya da adipun antawili.

Luke 8:28

Ampaḵapaḵaḻamon da aḻan ya taḵon ay nu naguwaḻdaan ḵan naḵawadan da imana ya da suḵina, gosatona. Pinaawid os da aḻan atte bumbummaaw. Pun innilana ḵad aḵ Jesus, napapḵaaw woḵ nanalluḵu ḵan siya. Ḵananae nangidangsoḻ, “Anii! Ngaipaḵa umali ḵan saḵon? Siḵa'ḵ Jesus we Abeng ni Ḵangatuwane Apudyus. Ḵadaguwanaḵ ḵappos ta adim saḵon dusaon!” Te innilan ḵad Jesus, binilinna da aḻan ta lumawada.

John 20:31

Yaḵon nigili da anna ta amati ḵayu we aḵ Jesus siya Kristu we Abeng Apudyus ḵad sa amatiyanyu awad ḵan diḵayu biyag gapu ḵan siya.

Acts 16:17

Nitun-ud babaḻasang ḵan diḵani ḵan Paul woḵ ḵananae nangiyipḵaw, “Da annae tagu sammilun ni Ḵangatuwane Apudyus! Iwaḻagawagda ḵan diḵayu daḻan ni mataguwan!”

Acts 19:13

Yaḵon inninggaw os da udume Judyu we ummoy atta adu we ili ya paḻyawonda da aḻan atta naaḻanan woḵ pinadasda usaron ngadan Apu Jesus. Ḵananda, “Siḵae aḻan, gapu si ḵabooḻan ni ngadan Jesus we iwaḻagawag Paul, ḵumunudḵa.”

Acts 8:36

Naaḵatda ḵade nallugan, dummatongda'tte igaw ni danum woḵ ḵanan ni opisyal, “Ilam, annaya danum! Ngai maḵatupod ḵan saḵone pabonyag?”

Romans 16:20

Adipun manunnuwan ya aḵ Apudyus we maḻpuwan ni lin-awa oḻgona'ḵ Satan we isun di gusgusdan taḵu. Awad oḵyan ḵan diḵayu ḵinabaḻu we maḻpu ḵan Apu Jesu Kristu.

Hebrews 2:14

Gapu ta tagu da annae abeng Apudyus we maḵwae matoy, nambalin aḵ Jesus aḵ tagu we isuda. Ḵingwana sana ta mipagapu si matoyana, oḻgona'ḵ Satan we anna ḵabooḻana si ḵatoy

Hebrews 7:1

Aḵ Melchizedek ḵad, siya ari'd Salem si awe ya osa'tta padin ni Ḵangatuwane Apudyus. Sa ummoy Abraham naḵagubatan, illogna da opate ari. Nangulin ḵad, inabot Melchizedek woḵ bindisyunana.

James 2:19

Patiyom ḵammane os-ossaan Apudyus? Sanat ambaḻubaḻu! Yaḵon taḵon ay da aḻan, amatida bos ya amilpilda'tte ogyatda.

2 Peter 2:4

Te igammu taḵu we madusada te taḵon ay da anghel we naḵabasuḻ si awe, adimpun Apudyus ḵinadaguwan dida yaḵon intop-aḻna dida'd infiernu si ḵagiḵbotane lugar ya imbaḻudna dida sidi ta anguwayanda'tte aḻgawe anḵuwisan Apudyus.

1 John 3:8

Ḵad sa pagapagatupanae bumasubasuḻ, nidoga ḵan Satan te aḵ Satan ḵad bummasuḻ inggan ni laplapu. Pun siya gapun ni ummaliyan ni Abeng Apudyus sina'd luta ta dadailona da ḵoon Satan.

Jude 1:6

Sosomḵonyu ḵad os da anghel we adipun nat-op atte saaddae innatod Apudyus ḵan dida woḵ tinenanda ustu we inggawanda'd langit. Gapu si nangwaanda'tte sadi, ḵinawadan Apudyus dida'ḵ inggana woḵ imbaḻudna dida si ḵagiḵbotan inggana'ḵ dumatong aḻgawe anguwisana ḵan dida.

Revelation 12:12

Pun ad langit ya diḵayu losane awad sidi anggangganas ḵayu, yaḵon ḵaddagu ḵayu we awad ad luta ya sa baybay. Te nan-osog aḵ Satan si igawyu ḵad amod de sangana te inigammunae aḵit daan si timpuna.”