Mark 4:38 - Sa Ugud Apudyus

³⁸ Aḵ Jesus ḵad, namungane nasuyop si odogan ni bangka. Pun binangon da disipuluna woḵ ḵananda, “Anaḵay! Mistulu, adimpun ḵamman ambiyangan nu matoy taḵu?”

Mark 4:38 Iomraidhean Croise

Matthew 22:16

Pun imbuunda da udume disipuludae Pharisee ya da nidoga si grupun Ari Herod ta umoyda ḵan Jesus. Indasanda ḵad, ḵananda, “Mistulu, igammuni ye losane ibagam tuttuwa ya igammuni bose ippun laḵlaḵsigom aḵ tagu te daḵampun aḵ siya itollongnu saad ni tagu yaḵon siya ituttudum ḵatuttuwaane mipanggob si pinion Apudyus we ḵoon da tagu.

Matthew 8:25

Pun ummoy da disipulu binangon woḵ ḵananda ḵan siya, “Anaḵay! Apu, taguwom diḵani! Annae maanud taḵu!”

Mark 4:37

Pune sadi, inniggana ampigsapigsae bibbid woḵ nilaḵbungan ni tupiyaḵ bangkada, pun tigangayda milisob.

Mark 4:39

Nabanangon woḵ ḵananae namilin atte bibbid, “Guminoḵḵa!” Ḵanana bos atta tupiyaḵ, “Guminoḵ ḵayu!” Pun gumminoḵ bibbid ya da tupiyaḵ. Pun bummaḻu taḻun.

Luke 8:24

Pun binangonda'ḵ Jesus woḵ ḵananda, “Anaḵay! Apu, annae milisob taḵu!” Tummaḵdog aḵ Jesus woḵ binilinna ampigsae bibbid ya da tupiyaḵ. Pun gumminoḵda woḵ ippun um-umsiyong.

John 4:6

Inninggaw bubun Jacob sidi si awe. Gapu'tte ayong Jesus we nanadtaddaḻan, tummuḵdu si daḻnig ni bubun. Annae mumamatuḵ atte sadi.

Hebrews 2:17

Pun ḵasapuḻane miyiissu ḵinatataguna ḵan ditaḵu we susunudna. Ḵad sadi inonae ambalin aḵ ḵangatuwane padi ye ḵumadagu ya mataḻgodane anserserbi ḵan Apudyus ya nangidatun si mismu we biyagna si natoyana ta mapakawan da basuḻ da tagu.

Hebrews 4:15

Te sa ḵangatuwane padi taḵu maawatana da losane anḵuyaan taḵu te pinadasna da nankalakalasi ye sulisuge isu taḵu bos. Yaḵon adipun naḵabasuḻ.

1 Peter 5:7

Itaḻgodyu ḵan Apudyus da losane binimbinsawyu te siya angayyuwan ḵan diḵayu.