Mark 4:27 - Sa Ugud Apudyus

²⁷ Sa masuyopana'tta labi ya bumangonana'tta bigbigat, midisan bumngis da buḵoḻe immuḻana ya dummaḵoḻda. Yaḵon sa inon ni muḻae dumaḵoḻ, ippun igammun ni nammuḻa.

Mark 4:27 Iomraidhean Croise

Mark 4:26

Pune sadi, ḵanan os Jesus we nangipani, “Sa ampangatan Apudyus mipani'tte tagu we ummoy nammuḻa'ḵ buḵoḻ si umana.

Mark 4:28

Ḵad sa lutae mismu amadaḵoḻ atta muḻa. Umunae matubuwan ḵad amusbus inggana'ḵ maotong.

2 Thessalonians 1:3

Susunudḵu ḵan Kristu, ḵasapuḻane patilayun ḵani anggappiya ḵan Apudyus gapu ḵan diḵayu, ḵad mibagay nu ḵoonni ḵaḵna te pumigsapigsa da pammatiyu ḵad amo madog-adog-an ayat ni sin-ossaossa ḵan diḵayu we an-asiayat.

2 Peter 3:18

yaḵon pagatupanyu oḵyan padason amode ḵinabaḻun Jesu Kristu we Apu taḵu ya Anagu ḵan ditaḵu ḵad dogdog-anyu bos inigammuyu ḵan siya. Madaydayaw oḵyan aḵ Kristu sinsana ya aḵ inggainggana. Amen.