Mark 4:24 - Sa Ugud Apudyus

²⁴ Ḵanan os Jesus, “Imuḻayu'tta pusuyu da annae ibagaḵ. Te nu ḵoonyu ḵaḵnat, amo maawatanyu ya amo dog-an Apudyus igammuyu.

Mark 4:24 Iomraidhean Croise

Matthew 7:2

Te sa inon ni anḵuḵuwisyu'tta udum, siya bos inon ni anḵuḵuwis Apudyus ḵan diḵayu. Nu umamdan inonyu we anguwis atta udum, umamdan os inon Apudyus we anguwis ḵan diḵayu.

Mark 9:7

Pune sadi nannaḵunaḵ libuu ḵan dida pun dingngoḻda gingae naḻpu'tte libuu we ḵanana, “Annaya Abengḵu we ay-ayatoḵ. Dongngonyu da ibagana.”

Luke 8:18

“Gapu'tte sadi, sisinnoogonyu da annae ibagaḵ. Te sa anuttuwa si dingngoḻna, amo madog-an an-aawatna. Yaḵon sa tagu we adinapun ḵoon dingngoḻna, taḵon ay aḵite ḵananae awad ḵan siya, maḵaan.”

John 10:16

Awad da udume karneroḵe naippun atte annae puḵuḵan. Ḵasapuḻane ayagaḵ dida ta dongngonda gingaḵ. Ḵade sadi ambalinda'ḵ ossaane grupu ya ossaan antangḵon.

John 10:27

Te da karneroḵ dongngonda gingaḵ. Ḵad igammuḵ dida ya tun-udonda saḵon.

John 5:25

Ibagaḵ ḵan diḵayu ḵatuttuwaan, dummatong timpu we dongngon da natoy gingan ni Abeng Apudyus, ḵad da andongoḻ ya amati mataguda'ḵ inggana.

Acts 17:11

Da annae Judyu amo nabaḻbaḻu ugalida nu da iThessalonica te sisinnoogonda Ugud Apudyus ḵad inaḻgawe adaadaḻonda ta panoḵnoḵanda nu tuttuwa da intuttudun Paul.

2 Corinthians 9:6

Somsomḵonyu anna. Sa tagu we aḵit immuḻana, aḵit os apitona. Yaḵon sa tagu we adu immuḻana, adu bos apitona.

Hebrews 2:1

Pun ḵasapuḻane amo popotpotan taḵu ḵatuttuwaane dingngoḻ taḵu ta adi taḵu iwaḻang pammati taḵu'tte ḵatuttuwaane isun ni bangkae umadayu'tte ustu we ayana.

1 Peter 2:2

Isun da uttinge pasig mauuwaw atte susu, pasig ḵayu oḵyan mauuwaw atte naispirituwane gatase sa Ugud Apudyus ta pumigsa ḵayu si pammati inggana'ḵ mituttuwa mataguwanyu.

1 John 4:1

Ay-ayatoḵe buḻbuḻun, adi ḵayu amati'tta losane angibagae sa Ispiritu Santu naḻpuwan da ituttududa. Yaḵon ummanyu panoḵnoḵan nu tuttuwae naḻpu ḵan Apudyus te adu da sinan profeta we lummoswae ummoy nantuttudu'tta ḵinailin di ili'tte lubung.