Mark 4:17 - Sa Ugud Apudyus

¹⁷ yaḵon adipun nillumnoḵ atta somsomoḵda. Amatida'ḵ sin-aḵitan ḵad nu dumatong ampaḵaḻamanda baḵon nu mapadasda gapu'tte amatiyanda si Ugud Apudyus, daguse iwaḻangda pammatida ḵan Apudyus.

Mark 4:17 Iomraidhean Croise

Matthew 11:6

Ḵad ibagayu bos ḵan siyae pian tagu we adipun anduwaduwa si mipanggob ḵan saḵon.”

Matthew 12:31

Pun sa ibagaḵ ḵan diḵayu, ngaimane basuḻ da tagu ya da an-ugud aḵ lawweng mipanggob ḵan Apudyus maḵwae pakawanon Apudyus. Yaḵon sa angamsew atte mipanggob si Ispiritu Santu, adipun maḵwae pakawanon Apudyus.

Matthew 13:21

Yaḵon adipun lummamut atta somsomoḵda. Amatida'ḵ sin-aḵitan, ḵad nu dumatong ampaḵaḻaman baḵon nu mapadasda gapu'tte amatiyanda si Ugud Apudyus, daguse iwaḻangda pammatida ḵan Apudyus.

Mark 4:16

Da naottage buḵoḻ atte bibbisil, isuda da tagu we sillalaylayade angawat si Ugud Apudyus we dingngoḻda,

Mark 4:18

Da naottag atte laslasi, isuda da tagu we dongngonda Ugud Apudyus.

Luke 12:10

“Sa osa bos, nu awad an-ugud aḵ lawweng mipanggob ḵan saḵone Abeng Di Tagu, maḵwae pakawanon Apudyus. Yaḵon sa an-ugud aḵ lawweng mipanggob si Ispiritu Santu, adimpun Apudyus maḵwae pakawanon.

John 8:31

Pun ḵanan Jesus atta Judyu we namati ḵan siya, “Nu pagatupanyu patiyon da losane intuttuduḵ, diḵayu da tuttuwae disipuluḵ.

Galatians 6:12

Da angipatute ampasogyat ḵayu, dida da maḻyad angipaila si ḵinabaḻuda'tte antotollong da tagu. Ipatutda sadi te adidapun pione ampaḵaḻamda. Te igammudae nu ituttududae umanay natoyan Kristu'tte kros, ampaḵaḻamon da buḻunda dida.

2 Timothy 1:15

Inigammume tigangay ta losan atta namati'd Asia, nan-awidanda saḵon, nidoga da Phygelus ḵan Hermogenes.

2 Timothy 4:10

te tinenanaḵ ḵan Demas woḵ ummoy ad Thessalonica te pipiona nainlubungan. Aḵ Crescens ḵad os, ummoy ad Galatia ya aḵ Titus, ummoy ad Dalmatia.

2 Timothy 4:16

Sa damu we nasumaḻyaaḵ, ippun pulus ummali'ḵ buḻunku'ḵ nangitaḵdoḻ ḵan saḵon. Losanda tinenan saḵon. Adin oḵyan pos Apudyus pabasuḻon dida'tte ḵingwadae lawweng ḵan saḵon.

Hebrews 10:29

Maguḻa magay madusaan ni tagu we angam-amsew si Abeng Apudyus ya ibelangnae naippun patog ni daḻae angipanoḵnoḵ si tuḻag Apudyus we siya amapoḻḵas atta basuḻ ḵan an-ugud aḵ lawweng atte Ispiritu Santu we siya angipail-an Apudyus atte ḵinabaḻuna.

1 John 2:19

Da annae sumusullagi ḵan Jesu Kristu, buḻun taḵu dida'tte ḵesane aḻgaw yaḵon daḵampun aḵ tuttuwae buḻun taḵu dida si pammati, siya gapun ni summinaanda ḵan ditaḵu. Te nu tuttuwae buḻun taḵu dida, sissiyae awadda oḵyan ḵan ditaḵu. Yaḵon summinada ḵan ditaḵu ta mipailae daḵampun aḵ tuttuwae buḻun taḵu dida.

Revelation 2:10

Adi ḵayu maḵimut atte madam-an umali ye ampaḵaḻaman. Impaibaḻud Satan da udum ḵan diḵayu ta mapadas ḵayu ḵad ampaḵaḻamon diḵayu'ḵ simpuḻu we aḻgaw. Yaḵon mataḻgodan ḵayu oḵyane ipapuutyu we amati ḵan saḵon taḵon ay nu siya gapun ni matoyanyu ta ittoḵ ḵan diḵayu koronae siya biyag aḵ inggana.

Revelation 2:13

Igammuḵe sa iliyu, siya ampangatan Satan yaḵon taḵon ay nu ḵatti, adiyupun nan-awidan pammatiyu ḵan saḵon. Igammuḵ os naḵwa ḵan Antipas we mataḻgodane nangitaḵdoḻ si mipanggob ḵan saḵon. Taḵon ay nu gingngatda sinat atte ili ye ampangatan Satan, sissiyae pinagapagatupanyu we amati ḵan saḵon.