Mark 3:2 - Sa Ugud Apudyus

² Inninggaw os da udume tagu we angitotollong ḵan siya ta ilanda nu ḵaanona saḵitna'tte umillongan te pionda pabasuḻon aḵ Jesus.

Mark 3:2 Iomraidhean Croise

Matthew 12:10

Inninggaw tagu we naangḵet imana. Inninggaw os da udume tagu sidi ye pionda pabasuḻon aḵ Jesus. Pun ḵananda ḵan siya, “Iyunud ḵamman ni lintog taḵu nu ḵaanon taḵu da saḵit si umillongan?”

Mark 3:3

Pun ḵanan Jesus si naangḵet, “Awwaynu ta tumaḵdogḵa si sinagungḵu.”

Luke 14:1

Sin-aḻgawan ḵad atte umillongan, ummoy aḵ Jesus atte boḻoy ni pangat da Pharisee woḵ naḵaḵan, pune sadi sinipusiputanda nu ngai ḵoona.

Luke 20:20

Pun inuuwwayda gundawaydae anoḵma ḵan siya. Ḵingwada ḵad, tinangdananda da udume laḻaḵi ya nangibuunda'ḵ umoy anipusiput ḵan Jesus ya ipailadae isudan mataḻgodan. Yaḵon sa planuda, an-im-imusda ḵan Jesus ta awad ḵad isongbatna'ḵ anggadingandae angidaḻum ḵan siya, asidaot doḵmaan ya ummoyda impuḻang si gobernor. Te sa gobernor anna ḵaḻabbonganae anguwis.

Luke 6:7

Inninggaw os da udume mimistulun ni lintog ya da Pharisee ye angitotollong ḵan siya ta ilanda nu ḵaanona saḵit atte umillongan te pionda pabasuḻon aḵ Jesus.

John 8:6

Ḵaḵna im-imusda te pionda padason aḵ Jesus ta ngai ḵad de isongbatna siya ambatayandae angidaḻum ḵan siya. Yaḵon nangwa ḵad aḵ Jesus, ummobaob woḵ nanggilina tammuduna si gabu.

John 9:16

Pune sadi ḵanan da udume Pharisee, “Daḵampun aḵ naḻpu ḵan Apudyus annae tagu te adinapun tuttuwaon lintog mipanggob si umillongan.” Ḵanan os da udum ḵan dida, “On! Yaḵon maḵaḵwa ḵamman ḵabasbassuḻan atta nakaskasdaawe sinyale isun ni ḵingwana?” Pune sadi, nan-asisullagida.