Mark 3:18 - Sa Ugud Apudyus

¹⁸ Andrew, Philip, Bartholomew, Matthew, Thomas, James we abeng Alphaeus, aḵ Thaddaeus ya aḵ Simon we nginadananda'ḵ Angitaḵdog si ilina

Mark 3:18 Iomraidhean Croise

Matthew 13:55

Daḵampun ḵamman si abeng ni karpentero? Daḵampun ḵamman ḵan Mary inana? Ḵad daḵampun ḵamman aḵ siya sunud da James, Joseph, Simon ya aḵ Judas?

Matthew 9:9

Unipun atte ummoyon aḵ Jesus, innilana osae andadagup atta bugise nangngadan aḵ Matthew we tutuḵdu'tte opisinan da andadagup atta bugis. Ḵanana ḵan siya, “Tun-udonaḵ ta ambalinoḵ siḵa'ḵ disipuluḵ.” Lummibbat ay aḵ Matthew woḵ nitun-ud ḵan siya.

Mark 2:14

Lummaus aḵ Jesus woḵ innilana'ḵ Levi ye abeng Alphaeus we tutuḵdu'tte opisinan da andadagup atta bugis. Ḵanana ḵan siya, “Tun-udonaḵ ta ambalinoḵ siḵa'ḵ disipuluḵ.” Pun lummibbat ay aḵ Levi woḵ nitun-ud ḵan siya.

Mark 3:17

da duwae abeng Zebedee ye da James ḵan John we nginadanan Jesus dida'ḵ Boanerges we sa piona ḵanan da abeng ni ḵiduḻ,

Mark 3:19

ya aḵ Judas Iscariot we nangituyuḵ ḵan Jesus.

Mark 6:3

Daḵampun ḵamman aḵ siya karpentero we abeng Mary? Daḵampun ḵamman aḵ sunudna da James, Joseph, Judas ya aḵ Simon? Daḵampun ḵamman aḵ anna da bubai ye sunudna sina?” Pun lummaweng somsomoḵda woḵ adidapun namati.

John 1:40

Sa osae nangngoḻ si imbagan John we nitun-ud ḵan Jesus, aḵ Andrew we sunud Simon Peter.

John 11:16

Ḵanan Thomas we ngannonda Ḵapil atta buḻunnae disipulu, “Intaḵu ta maḵaḵatoy taḵu ḵan Jesus.”

John 14:22

Ḵanan Judas we daḵampun ḵan Judas Iscariot, “Apu, ngaipa abus ḵani'ḵ angipaigammuwam si mipanggob ḵan siḵa ya adimpun atta tagu'tte lubung?”

John 21:2

Nandatdatong da Simon Peter, Thomas we ngannonda Ḵapil, aḵ Nathanael we iCana si ili'tte probinsiya'd Galilee, da duwae abeng Zebedee ya da duwae disipuluna.

Acts 1:13

Dummatongda ḵad ad Jerusalem, ummoyda si ngatu we kuwartun ni boḻoye inggawanda. Da inninggaw ḵad aḵ Peter, John, James, Andrew, Philip, Thomas, Bartholomew, Matthew, James we abeng Alphaeus ya aḵ Simon we ngannonda Angitaḵdog si ilina ya aḵ Judas we abeng James.

Acts 15:13

Naabusda ḵad nan-uugud, nan-ugud aḵ James woḵ ḵanana, “Susunud ḵan Kristu, dongngonyu saḵon.

Acts 21:18

Mabigat ḵad, ummoyni ḵan da Paul innila'ḵ James. Wadawad sidi da losane angipangpangu'tta namati.

1 Corinthians 15:7

Pun nampaila bos ḵan James woḵ asiyot os atta losane apostolna.

1 Corinthians 9:5

Ḵad ippun ḵamman ḵaḻabbonganni ye angitaggaḵad atta asawani'tta ngaimane ambabbaatanni ye isun da udume apostol ya da susunud ḵan Kristu ya aḵ Peter?

Galatians 1:19

Yaḵon da innilaḵe apostol, abus aḵ Peter ya aḵ James we sunud Apu.

Galatians 2:9

Binigbig da James ḵan Peter ya aḵ John we mibelange angipangpangu we intaḻgod Apudyus ḵan saḵon annae ḵewaaḻ gapu'tte ḵinabaḻuna. Sana gapunae nilamanuwanda'ḵ Barnabas ya saḵon ta angipaila si ambuḻbuḻunanni. Nan-uunudanni ye iwaḻagawagni Ambaḻu we Damag atta Gentil ya dida angiwaḻagawag atta Judyu.

James 1:1

Kumusta ḵayu? Saḵon aḵ James we sammilun Apudyus ya aḵ Apu Jesu Kristu. Annaya suḻatḵu'tta Judyu we namati ye naas-asipaḻaḵ atta udume ili.

Jude 1:1

Saḵon aḵ Jude we sammilun Jesu Kristu ya sunud James. Annaya suḻatḵu ḵan diḵayu we napili ya ay-ayaton Apudyus we Ama ya sinaḻaḵnibana inggana si mipauliyan Jesu Kristu.