Mark 3:11 - Sa Ugud Apudyus

¹¹ Innilan ḵad os da naaḻanan aḵ Jesus, ummadanida woḵ nanalluḵuda ḵan siya woḵ ḵanan da aḻane simpopoḵaw, “Siḵa Abeng Apudyus!”

Mark 3:11 Iomraidhean Croise

Matthew 14:33

Pun awad ay osa ḵan didae inninggaw si bangka nandayaw ḵan siya, ḵananda, “Tuttuwae siḵa Abeng Apudyus.”

Matthew 4:3

Aḵ Satan we pasig sumulisug ummadani ḵan siya woḵ ḵanana, “Nu siḵa Abeng Apudyus, bilinom da annae batu ta ambalinda'ḵ tinapay.”

Matthew 4:6

woḵ ḵanana ḵan siya, “Nu siḵa Abeng Apudyus, an-ottagḵa te sa ḵanan ni nigili'tte Ugud Apudyus, “ ‘Bilinona da anghelna'tte mipanggob ḵan siḵa’ ya ‘tapayaonda siḵa atta imada, ta adi da suḵim mitupaḵ atte batu.’ ”

Matthew 8:29

Inadanida ḵad aḵ Jesus, napapḵaawda woḵ ḵananda ḵan siya, “Siḵae Abeng Apudyus, Anii! Ngaipaḵa umali ḵan diḵani? Ummaliḵa ḵamman sina ta inḵa diḵani dusaon si daampun dumatong ustu we timpu?”

Matthew 8:31

Pun nandagdagu da aḻan woḵ ḵananda ḵan Jesus, “Nu paḻyawom diḵani, ibuunnu ḵappos diḵani'tta andi ye amoamode boḻoḵ.”

Mark 1:1

Annaya lapun ni Ambaḻu we Damag mipanggob ḵan Jesu Kristu we siya pinilin Apudyus aḵ Anagu ḵan An-ari.

Luke 4:41

Pinaḻyawna bos da aḻan atta adu we naaḻanan. Lummawada ḵad, ḵanandae simbobogga, “Siḵa Abeng Apudyus!” Sinang-an Jesus dida woḵ adinapun dida iyyunude an-uguugud te iniiggammudae siya Kristu.

Luke 8:28

Ampaḵapaḵaḻamon da aḻan ya taḵon ay nu naguwaḻdaan ḵan naḵawadan da imana ya da suḵina, gosatona. Pinaawid os da aḻan atte bumbummaaw. Pun innilana ḵad aḵ Jesus, napapḵaaw woḵ nanalluḵu ḵan siya. Ḵananae nangidangsoḻ, “Anii! Ngaipaḵa umali ḵan saḵon? Siḵa'ḵ Jesus we Abeng ni Ḵangatuwane Apudyus. Ḵadaguwanaḵ ḵappos ta adim saḵon dusaon!” Te innilan ḵad Jesus, binilinna da aḻan ta lumawada.

Acts 16:17

Nitun-ud babaḻasang ḵan diḵani ḵan Paul woḵ ḵananae nangiyipḵaw, “Da annae tagu sammilun ni Ḵangatuwane Apudyus! Iwaḻagawagda ḵan diḵayu daḻan ni mataguwan!”

1 Corinthians 11:34

Ḵad nu awad nauḻat, umuna oḵyane angan atte boḻoyna ta magimung ḵayu ḵad adin diḵayu ḵan Apudyus ḵuwison. Ḵad sa mipanggob atta udume ibilinḵu ḵan diḵayu, asiḵ ibaga nu umaliyaḵ sinat.

James 2:19

Patiyom ḵammane os-ossaan Apudyus? Sanat ambaḻubaḻu! Yaḵon taḵon ay da aḻan, amatida bos ya amilpilda'tte ogyatda.