Mark 2:20 - Sa Ugud Apudyus

²⁰ Yaḵon sa umali ye aḻgaw nu miyadayu nangasawae laḻaḵi ḵan dida, sadi aḻgawe allaunanda.”

Mark 2:20 Iomraidhean Croise

Matthew 26:31

Pune sadi, ḵanan Jesus ḵan dida, “Sinsadi ye labi, losan ḵayu umawid ya ummabusaḵ gapu'tte maḵwa ḵan saḵon. Te awad de nigili'tte Ugud Apudyus we ḵanana, ‘Gongatoḵ anangḵon atta karneroḵ ya masinasinada.’

Matthew 9:15

Impanin Jesus we summongbat woḵ ḵanana, “Andadauy ḵamman da buḻbuḻun ni angasawae laḻaḵi nu awad ḵan dida? Yaḵon sa umali ye aḻgaw nu miyadayu nangasawae laḻaḵi ḵan dida, sadi timpu we allaunda.”

Mark 2:19

Ḵanan Jesus we nangipani, “Allaun ḵamman da buḻbuḻun ni angasawae laḻaḵi nu awad ḵan dida? Anganda pos pagay. Sa annaan ni angasawae laḻaḵi ḵan dida, adidapun allaun.

Mark 2:21

Ḵanan os Jesus we nangipani, “Naippun tagu'ḵ ituḵupna baru we lupute adipun nisaḵsaḵ si dadaane silup te nu mituḵup si dadaane silup ya isaḵsaḵnu, ḵumson baru we mituḵup ya yatyatona dadaane luput ḵad amo dumaḵoḻ pissayna.

Luke 17:22

Pun ḵanana'tta disipuluna, “Dumatong timpu we pionyu ilan Abeng Di Tagu taḵon ay sin-aḵitan yaḵon adiyupun maila saḵon.

Luke 5:35

Yaḵon sa umali ye aḻgaw nu miyadayu nangasawae laḻaḵi ḵan dida, sadi da aḻgawe allaunda.”

John 12:8

Ḵad da ḵapus, pasigda anna ḵan diḵayu yaḵon saḵon ḵad, daḵampun aḵ pasigaḵ anna ḵan diḵayu.”

John 13:33

“Aabengḵu, sin-aḵitan inggawaḵ ḵan diḵayu. Ḵad singtonyu saḵon ya sa imbagaḵ atta Judyu, sinsadi annae ibagaḵ ḵan diḵayu we sa annae ayaḵ, adiḵayupun maḵaali.

John 16:28

Naḻpuwaḵ ḵan Amaḵ ya ummaliyaḵ si annae lubung. Sinsadi, tenaḵ annae lubung ya iyyaḵ ḵan Amaḵ.”

John 16:7

Yaḵon ibagaḵ ḵan diḵayu ḵatuttuwaan, bumaḻuwanyu nu iyyaḵon te nu adiyaḵ umoyon, adipun umali Bumadang ḵan diḵayu. Yaḵon nu iyyaḵon, ibuunḵu ḵan diḵayu.

John 17:11

Sinsadi naippunaḵ ogon si lubung te mipauliyaḵ ḵan siḵa. Yaḵon matenanda si annae lubung. Nasantuwane Ama, ḵodawoḵe ayyuwanam dida mipagapu si ḵabooḻame innatodnu ḵan saḵon ta an-ossaandae isun ni nan-ossaananta.

John 17:13

“Yaḵon sinsadi, mipauliyaḵ ḵan siḵa ḵad ibagaḵ da sana'tta tagu si annae lubung ta awad ḵan dida layadḵu we naippun kurangna.

John 3:29

Sa ḵasasaadḵu isuna buḻbuḻun ni ankasar we laḻaḵi. Ḵad taḵon ay nu daḵampun ḵan siya angikasar si bubai, amod de layadnae midoga si kasar te dongngona gingan ni buḻbuḻunna. Sadi isuna ḵan saḵone amoamod layadḵu sinsadi gapu ḵan Kristu.

Acts 1:9

Inabus ḵad Jesus imbaga da sana, nipangatu'd langite tatangngadonda inggana'ḵ natalingdan atte libuu.

Acts 14:23

Ginangputda ḵad dinutuḵan da angipangpangu'tta losane gimung da namati, nalluwaḻuda ya nallaunda woḵ intaḻgodda dida ḵan Apu we pinatida ta ayyuwanana dida.

Acts 3:21

Ḵasapuḻane inggaw aḵ Jesus ad langit inggana'ḵ dumatong timpu we pabaruwon Apudyus da losan te siya inkarina mipagapu'tta profetanae nanserbi ḵan siya si awe.

1 Corinthians 7:5

Ḵan diḵayu we an-as-asawa, adiyu iyadi ḵaḻabbongan ni asawayu, malaksid nu antuḻaganyu we adiḵayu yan an-adaḻug ta ipapatiyu we alluwaḻu. Ḵad nu maabus aḻgawe alluwaḻuwanyu, an-adaḻug ḵayu bos ta adin Satan diḵayu sulisugon aḵ bumasuḻ te adiḵayupun maḵatupod atta long-agyu.

2 Corinthians 11:2

Tuttuwae amo angimunaḵ ḵan diḵayu we isun os ni an-iimun Apudyus nu sabali unudonyu. Te isuyun babaḻasange ippun natnattoḵanae intuḻagḵu we miyasawa si os-ossaane laḻaḵi ye siya'ḵ Kristu.

2 Corinthians 11:27

Nanḵewaḵewaaḻaḵ inggana'ḵ naayoayongaḵ, patilayune mapuyapuyatanaḵ ya nauuḻataḵ te ippun ḵanoḵ ya nauwwauwwawaḵ, naḵumoḵumogaḵ te ippun boḻoy aḵ nasuyopaḵ ya poos da silupḵu.

2 Corinthians 6:5

Annaya da udume ampaḵaḻamane nilaḵ-amni. Nangampigae naap-aplit ḵani, nibaḻud ḵani, ginulugulun diḵani, maayoayong ḵani'tta ḵoonni, mapuyapuyatan ḵani ḵan mauḻauḻat ḵani.

Revelation 19:7

Lumayad taḵu ya itaḻayag taḵu ya dayawon taḵu ḵinangatuna te sinsadi kasar ni Ubbu we Karnero. Sa angasawa ḵan siya naabus naḵasagana,

Revelation 21:9

Pun ummali osa'tta sadi ye pitu we anghel we awad ḵan siya da pitu we maḻuḵunge napnu'tta pitu we anungus da ampaḵapaḵaḻaman. Ḵanana ḵan saḵon, “Umaliḵa ta ipailaḵ ḵan siḵa bubai ye asaw-on ni Ubbu we Karnero.”