Mark 2:12 - Sa Ugud Apudyus

¹² Pun daguse bummangon si angitotollongan da losane tagu, innaḻana bulignae innumbogana woḵ ummoyon. Pun natataag da tagu sidi woḵ dinaydayawda'ḵ Apudyus, ḵananda, “Atopay! Naippun paat innila taḵu'ḵ ḵaḵna!”

Mark 2:12 Iomraidhean Croise

Matthew 12:23

Sintotokoḻ da tagu si ḵingwana woḵ ḵanandae nan-asiimus, “Siya ḵamman ganaḵ Ari David we uuwayon taḵu?”

Matthew 15:31

Ḵatti ḵad naḵwa, sintataag da tagu we nangila'tta naumoḻe an-ugud, da nabaḵawoge nipaḻ-og da imada, da napilaye nanaddaḻan ya da naḵuḻape maḵaila. Pun indaydayaw da ganaḵ Israel aḵ Apudyus.

Matthew 9:33

Pinaḻyaw ḵad Jesus aḻan, insaḻad ni naumoḻe gumminga. Pun sintataag da adu we tagu woḵ ḵananda, “Ippun paat naila'ḵ naḵwa'd Israel aḵ isun ni sana si awe inggana sinsadi!”

Matthew 9:8

Innilan ḵad da losane tagu we ḵinaan Jesus saḵitna, naḵimtanda woḵ indaydayawda'ḵ Apudyus we nangitod si ḵaḻabbongane isun ni sanat atte tagu.

Mark 1:27

Da tagu ḵad, nataagda losan woḵ sintotoḵoḻda, pun ḵanandae nan-asiimus, “Atopay aḵay anna! Baru we tuttudu we anna ḵaḻabbongana te taḵon ay da aḻan, bilinona dida ya tummuttuwada.”

Mark 2:11

“Ibagaḵ ḵan siḵa, bumangonḵa, aḻam bulignu ta inḵan si boḻoyyu.”

Luke 13:13

Pun impatay Jesus da imana ḵan siya woḵ daguse nauyad woḵ nandaydayaw ḵan Apudyus.

Luke 17:15

Innilan ḵad ni osa ḵan didae naḵaan saḵitna, daguse nampauli woḵ indangsoḻnae nandaydayaw ḵan Apudyus.

Luke 5:26

Pune sadi, nataag da inninggaw sidi ye tagu ḵan naḵimtanda'tta innilada woḵ ḵanandae nangidaydayaw ḵan Apudyus, “Atopay! Nakaskasdaaw pagay innilani sinsadi!”

Luke 7:16

Pun naḵimtan da losane tagu woḵ indaydayawda bos aḵ Apudyus. Ḵananda, “Atopay! Sa annae profeta we ummali ḵan ditaḵu, amod pagay ḵabooḻana!” Ḵanan os da udum, “Ummali'ḵ Apudyus ta badangana ditaḵu we taguna!”

John 7:31

Yaḵon adu da namati ḵan siya woḵ ḵananda, “Sa annae tagu, tuttuwae adu da nakaskasdaawe sinyale ḵingwanae isun ni namnamaon taḵu we ḵoon Kristu nu umali sina.”

John 9:32

Inggan ni lapun ni annae lubung, naippun paat dingngoḻ taḵu'ḵ naniyat atta atan ni nibuḵnage naḵuḻap.

Acts 4:21

Nagangput ḵade ḵinoḻḵog da ḵuḵunsisaḻ dida, pinaoyonda dida te adidapun maḵaḵasḵasmoḵ nu ngai inondae anusa ḵan dida te adu da tagu we nandaydayaw ḵan Apudyus gapu'tte nakaskasdaawe naḵwa.