Mark 16:18 - Sa Ugud Apudyus

¹⁸ Ḵad nu onnanda da uḻog baḵon nu uminumda'tta maḵodotan, adidapun madiwdiwat. Nu ipatayda da imada'tta nasaḵit, maḵaan da saḵitda.”

Mark 16:18 Iomraidhean Croise

Mark 5:23

woḵ nandagdagu. Ḵanana, “Awad de abengḵu we bubai ye madam-an matoy. Awwaynu ḵappos ta inḵa ipatay imam ḵan siya ta lumin-awa ta matagu.”

Luke 10:19

Innatodḵu ḵan diḵayu ḵabooḻan ta oḻgonyu'ḵ Satan. Taḵon ay ngai ḵoonae amadas si ḵabooḻana, adiḵayupun paat madiwdiwat. On, taḵon ay gusdanyu da uḻog ya da gayyaman!

Acts 19:12

Te taḵon ay da pangpangyu ḵan sinnune inusarna, nu iyoyda'tta masaḵit, maḵaan da saḵitda ḵad lumawa da aḻan atta naaḻanan.

Acts 3:12

Innilan ḵad Peter dida ḵanana, “Susunudḵu we ganaḵ Israel, ngaipa ḵayu mataag si anna? Ngaipayu imumusḵoḻ diḵani? Ḵananyu ḵammane naḻpu'tte ḵabooḻanni baḵon nu ḵinabaḻuni namataddaḻan si annae tagu?

Acts 3:16

Mipagapu'tte ḵabooḻan Jesus, pummigsa annae tagu we itotollongyu ya igammuyu. Ḵad gapu si pammatina ḵan Jesus, lummin-awa annae tagu si sinagungyu losan.

Acts 4:10

dongngonyu ta ipaigammuḵ ḵan diḵayu ya da losane ganaḵ Israel. Sa annae tataḵdog si sinagungyu, nanaddaḻan gapu'tte ḵabooḻan Jesu Kristu we iNazareth. Siya sadi ye impattoḻyu'tte kros yaḵon tinagun Apudyus ḵasin.

Acts 4:22

Sa sadi ye tagu we naḵaan pilayna lummabose opatpuḻu tawonna.

Acts 4:30

Ipailam ḵabooḻame angaan atta saḵit ya angwa'tta nakaskasdaaw mipagapu'tte ḵabooḻan Jesus we nasantuwane sammilum.”

Acts 9:34

Ḵanan Peter ḵan siya, “Aeneas, ḵaanon Jesu Kristu saḵitnu. Bumangonḵa ta luḵubom oboḵnu!” Pun daguse bummangon.

Romans 16:20

Adipun manunnuwan ya aḵ Apudyus we maḻpuwan ni lin-awa oḻgona'ḵ Satan we isun di gusgusdan taḵu. Awad oḵyan ḵan diḵayu ḵinabaḻu we maḻpu ḵan Apu Jesu Kristu.

1 Corinthians 12:9

Ḵad sa osa, ittan ni sanae Ispiritu aḵ ampigsae pammati ḵad sa osa, ittan os ni Ispiritu aḵ ḵabooḻane angaan atta saḵit.