Mark 16:17 - Sa Ugud Apudyus

¹⁷ Annaya da nakaskasdaawe sinyale ipailan da amati. Paḻyawonda da aḻan si angusaranda'tte ngadanḵu ya an-uguda'tta udume ugude adidapun igammu.

Mark 16:17 Iomraidhean Croise

Mark 9:38

Ḵanan John ḵan Jesus, “Mistulu, innilani tagu we pinaḻyawna da aḻane inusarna ngadannu. Pun pinadasni igimau te daḵampun aḵ buḻun taḵu.”

Luke 10:17

Sin-aḻgawan ḵad, nipauli da pitumpuḻu ya duwae imbuun Jesus. Ḵanandae allaylayad, “Apu, taḵon ay da aḻan tinuttuwada si pinaḻyawni dida mipagapu si ngadannu!”

John 14:12

“Ibagaḵ ḵan diḵayu ḵatuttuwaan, ngaimane amati ḵan saḵon, ḵoona bos da ḵingwaḵ. Ḵad daḵdaḵoḻ da ḵoona nu da ḵingwaḵ te iyyaḵ ḵan Amaḵ.

Acts 10:46

Te dingngoḻda didae nan-ugudda'tta nansabasabali ye ugud ya indaydayawda'ḵ Apudyus. Pun ḵanan Peter,

Acts 16:18

Adu aḻgawe nangwaana'tta ḵaḵna inggana'ḵ nappog aḵ Paul. Nantawili si babaḻasang woḵ ḵanana si aḻan, “Gapu'tte ḵabooḻan Jesu Kristu, ibagaḵ ḵan siḵa lumawaḵa ḵan siya!” Pun daguse lummawa aḻan.

Acts 19:6

Impatay ḵad Paul da imana ḵan dida, ummoy Ispiritu Santu woḵ nan-ugudda'tta nansabasabali ye ugude adidapun inadaḻ ya impaigammuda Ugud Apudyus.

Acts 2:33

Nipangatu'ḵ Jesus atte madawinan Apudyus woḵ innatod Amana ḵan siya ḵaḻabbongane angitod ḵan diḵani si Ispiritu Santu we inkarina ya imbuunna ḵan diḵani ta ilanyu ḵan dongngonyu da ḵingwan ni Ispiritu Santu.

Acts 5:16

Aduadu bos da tagu we nandatdatonge naḻpu'tta ili ye nampaliḵwos ad Jerusalem, nan-idatongda'tta nasaḵit ya da naaḻanan woḵ losan naḵaan da saḵitda.

Acts 8:7

Te da aḻan lummawada'tta adu we tagu we naaḻanane sintutuḵingda ya adu da naparalaes ya da napilaye naḵaan da saḵitda.

1 Corinthians 12:10

Ḵad da udum, naittanda'ḵ ḵabooḻane angwa'tta nakaskasdaaw ya da udum naittanda'ḵ ḵabooḻane angipaigammu'tta ngaimane pinion Apudyus ipaigammu. Ḵad awad os da naittan aḵ ḵabooḻane angimatun nu aḵ Apudyus naḻpuwan da ngaimane ḵabooḻan baḵon nu naḻpu'tta aḻan. Ḵad da udum, naittanda'ḵ ḵabooḻane an-ugud atte sabali ye ugude adidapun inadaḻ. Ḵad naittan os da udum aḵ ḵabooḻane angipaḵaawat atta pion ni ugud ḵanan.

1 Corinthians 12:28

Ḵad da dinutuḵan Apudyus atte gimung da namati, ummuna da apostol, ḵumagwa da profeta we an-uuggudona, ḵumaḵlu da angituttudu'tte ugudna, asiyot da angwa'tta nakaskasdaaw, da naittan aḵ ḵabooḻane angaan atta saḵit. Awad os da naittan aḵ ḵabooḻane bumadang ya da naittan aḵ ḵabooḻane angipangpangu'tta namati. Ḵad awad os da naittan aḵ ḵabooḻane an-ugud atta nansabasabali ye ugude adidapun inadaḻ.

1 Corinthians 12:30

Baḵon nu losanda naittan aḵ ḵabooḻane angaan atta saḵit, an-ugud atta nansabasabali ye ugude adidapun inadaḻ baḵon nu angipaḵaawat atta pion ni sadi ye ugud ḵanan.

1 Corinthians 13:1

Taḵon ay nu awad ḵabooḻaḵe an-ugud atta ngaimane ugud di tagu ya taḵon ay ugud os da anghel nu naippun ayatḵu'tta asintataguḵ, naippun anuna. Mipaniyaḵ atte gangsae umas-aseset baḵon nu da udume ḵumaḻangḵang gingada.

1 Corinthians 14:2

Te da an-ugud atte sabali ye ugude adidapun inadaḻ, abus aḵ Apudyus aḵ maḵaugudanda. Te sa paugud ni Ispiritu Santu ḵan dida, sa banage nilimode naippun maḵaawat.