Mark 13:4 - Sa Ugud Apudyus

⁴ “Apu, ḵamaan ni maḵwaan ni imbagam ḵan diḵani ḵan ngai sinyale angigammuwanni ye madam-an mituttuwaanda?”

Mark 13:4 Iomraidhean Croise

Matthew 24:3

Pun tutuḵdu ḵad aḵ Jesus atte Beleg Olives, ummoy da disipulu iyyagapaap ḵan siya woḵ ḵananda, “Apu, ḵamaan ni maḵwaan ni imbagam ḵan diḵani? Ḵad ngai da sinyale angigammuwanni ye madam-an mipauliyam ya sa angigammuwanni si anungus ni timpu?”

Mark 13:3

Pun nanagadada'tte Beleg Olives woḵ tummuḵdu'ḵ Jesus we nansinagung si paway ni templo. Unipun ummadani ḵan siya da Peter, James, John ya aḵ Andrew woḵ ḵananda,

Mark 13:5

Ḵanan Jesus, “Ummanyu ta adi ḵayu maallelaw.

Luke 21:7

Pun ḵanandae nangimus, “Mistulu, ḵamaan ni maḵwaan ni imbagam ḵan diḵani ḵan ngai sinyale angigammuwanni ye madam-an dumaḵngan ni sanae aḻgaw?”