Mark 13:13 - Sa Ugud Apudyus

¹³ Sasangngaan os diḵayu'tta losane tagu gapu ḵan saḵon. Yaḵon ngaimane angiyattom atta losane ampaḵaḻaman ya gogomgomana pammatina, matagu'ḵ inggana.”

Mark 13:13 Iomraidhean Croise

Matthew 10:22

Ḵad sasangngaan os diḵayu'tta losane tagu gapu si pammatiyu ḵan saḵon. Yaḵon ngaimane angiyattom atta losane ampaḵaḻaman ya gogomgomana pammatina, matagu'ḵ inggana.

Matthew 24:13

Yaḵon ngaimane angiyattom atta losane ampaḵaḻaman ya gogomgomana pammatina, matagu'ḵ inggana.

Matthew 24:9

“Sa umali ye aḻgaw, doḵmaanda diḵayu ya ampaḵaḻamon ḵan gongatonda diḵayu. Ḵad sasangngaan os diḵayu'tta losane tagu gapu si pammatiyu ḵan saḵon.

Mark 13:12

“Awad os da udume ituyuḵ da sunudda'tta papangat ta gongatonda dida. Ḵaḵna bos atta ama, ituyuḵda bos da abengda'tta papangat ta gongatonda bos dida. Busuḻon os da abeng da amada ḵan inada ḵad pagongatda bos dida.

Luke 21:17

Ḵad sasangngaan os diḵayu'tta losane tagu gapu ḵan saḵon.

Luke 6:22

Pian ḵayu nu sasangngaan diḵayu'tta tagu, ya nu laḵsigonda diḵayu, potogonda diḵayu, ya am-amsewonda diḵayu gapu'tte pammatiyu ḵan saḵone Abeng Di Tagu.

John 15:21

Yaḵon ḵoonda da anna ḵan diḵayu gapu ḵan saḵon te naippun igammuda si nangibuun ḵan saḵon.

John 17:14

Intuttuduḵ ḵan dida ugudnu woḵ sasangngaan da tagu we adipun amati ḵan saḵon da disipulu te isuda saḵone daḵampun aḵ nainlubungan ugalida.

Romans 2:7

Da tagu we angipapati angwa'tta ambaḻu ta madayawanda, mapatganda ya mataguda'd langit aḵ inggainggana ya dida angittan Apudyus si biyag aḵ inggana.

Galatians 6:9

Pun siya gapunae aditaḵu oḵyan mappoge angwa'tta ambaḻu te dumatong ustu we timpu we angittan Apudyus ḵan ditaḵu'tta gunguna nu adi taḵu mappoge anguuway.

Hebrews 10:39

Yaḵon adi taḵu miyisu'tta nangiwaḻang atta pammatida ya nadusada ḵan Apudyus aḵ inggana. Yaḵon ditaḵu da namati ya matagu'ḵ inggana.

Hebrews 3:14

Te buḻun taḵu'ḵ Kristu nu gogomgoman taḵu pammati taḵu si inggan ni namatiyan taḵu inggana si anungus ni timpu.

James 1:12

Pian tagu we ampaḵaḻame angipapati angunud ḵan Apudyus te nu napanoḵnoḵane ampigsa pammatina, awatona gungunae inkarin Apudyus we sa biyag aḵ inggana'tta angayat ḵan siya.

1 John 3:13

Adi ḵayu mataag susunud nu sasangngaan diḵayu'tta tagu we adipun namati.

Revelation 2:10

Adi ḵayu maḵimut atte madam-an umali ye ampaḵaḻaman. Impaibaḻud Satan da udum ḵan diḵayu ta mapadas ḵayu ḵad ampaḵaḻamon diḵayu'ḵ simpuḻu we aḻgaw. Yaḵon mataḻgodan ḵayu oḵyane ipapuutyu we amati ḵan saḵon taḵon ay nu siya gapun ni matoyanyu ta ittoḵ ḵan diḵayu koronae siya biyag aḵ inggana.

Revelation 3:10

Te tinuttuwayu da bilinḵu we anusanyu iyattom ampaḵaḻamanyu, saḻaḵnibaḵ diḵayu'tte ampaḵimute ampaḵaḻamane madam-an dumatong si intero we lubung ta mapadas da losane tagu'd luta.