Mark 13:11 - Sa Ugud Apudyus

¹¹ Ḵad nu sumaḻyaonda diḵayu, adi ḵayu ambinsaw atta isongbatyu yaḵon ibagayu da ngaimane mipaigammu ḵan diḵayu si sadi ye timpu. Te daḵampun ḵan diḵayu maḻpuwan ni ibagayu yaḵon sa Ispiritu Santu.

Mark 13:11 Iomraidhean Croise

Matthew 10:17

Ḵad ummanyu bos te doḵmaanda ḵan idaḻum diḵayu'tta ḵuḵunsisaḻ ya ap-apliton diḵayu'tta sinagogada.

Mark 13:12

“Awad os da udume ituyuḵ da sunudda'tta papangat ta gongatonda dida. Ḵaḵna bos atta ama, ituyuḵda bos da abengda'tta papangat ta gongatonda bos dida. Busuḻon os da abeng da amada ḵan inada ḵad pagongatda bos dida.

Mark 13:9

“Ummanyu te doḵmaanda ḵan idaḻum diḵayu'tta ḵuḵunsisaḻ ya aplitonda diḵayu'd daḻom atta sinagoga. Gapu'tte pammatiyu ḵan saḵon, midaḻum ḵayu bos atta gobernor ya da ari ḵad maittan ḵayu'ḵ gundawaye angiwaḻagawag atte Ambaḻu we Damag ḵan dida.

Luke 21:12

“Yaḵon sa daan da sadi maḵwaan, doḵmaanda ḵan ampaḵaḻamon diḵayu. Idaḻumda diḵayu'tta sinagoga ḵad ibaḻudda diḵayu. Gapu si pammatiyu ḵan saḵon, iyoyda diḵayu'tta ari ya da gobernor.

John 3:27

Summongbat aḵ John woḵ ḵanana, “Naippun tagu'ḵ awad awatona nu adi abus maatod ḵan siyae maḻpu ḵan Apudyus.

Acts 2:4

Pune sadi, ummoy ḵabooḻan ni Ispiritu Santu ḵan dida woḵ insaḻaddae an-ugud atta nansabasabali ye ugude adidapun inadaḻe impaibagan ni Ispiritu ḵan dida.

Acts 3:13

Daḵampun ḵan diḵani yaḵon sa Apudyus da Abraham, Isaac, Jacob ya da losane danaḵḵoḻ taḵu. Siya namataddaḻan si laḻaḵi ta maila ḵinaapudyus Jesus we nanserbi ḵan siya si annae lubung. Aḵ Jesus, siya impuḻangyu'tta papangat ya indiyanyu si sinagung Gobernor Pilate atte simsimmoḵnae piona puḵayan.

Acts 4:31

Nalluwaḻuda ḵad, nayyugayug boḻoye nadagupanda. Pun ummoy ḵabooḻan ni Ispiritu Santu ḵan dida woḵ tummuḻoddae nangiwaḻagawag si Ugud Apudyus.

Acts 6:10

Yaḵon adidapun oḻgon te innatod ni Ispiritu Santu ḵan siya ḵinalainge anongbat ḵan dida.

Acts 6:15

Pun losan da ḵuḵunsisaḻ ya da udume nadagup sidi, intotollongda'ḵ Stephen woḵ innilada bosaḻnae isunan bosaḻ di anghel.

Acts 7:55

Yaḵon aḵ Stephen, naittan atte ḵabooḻan ni Ispiritu Santu woḵ nantangad ad langit. Pun innilana ḵinapaddan Apudyus ya aḵ Jesus we sisiḵad atte madawinanna.

1 Corinthians 2:13

Pun sa angituttuduwanni daḵampun aḵ somsomoḵ baḵon nu ḵinalaing di tagu naḻpuwana yaḵon sa intuttudun ni Ispiritu Santu ḵan diḵani. Ḵad ipaḵaawatni da naispirituwane ḵatuttuwaan atta tagunae inggawan ni Ispirituna.

Ephesians 3:5

Naippun nangigammu si anna'tte awe yaḵon sinsana, impaigammun ni Ispiritu Santu ḵan diḵani ye apostol ya da profetanae pinilina'ḵ anserbi ḵan siya.

James 1:5

Nu awad osa ḵan diḵayu'ḵ angkurang atte ḵinalaing, alluwaḻu oḵyan ḵan Apudyus woḵ aaddi ye maatod. Te aḵ Apudyus allaay atta losane tagu ya adinapun dida pabainan nu anḵodawda.

1 Peter 1:12

Ḵad impaigammun Apudyus atta profetanae da sanae imbagada, daḵampun aḵ bumaḻuwanda yaḵon sa bumaḻuwanyu. Te sadi bos imbagabagan da nangiwaḻagawag sinsadi si Ambaḻu we Damag ḵan diḵayu mipagapu si Ispiritu Santu we nibuune naḻpu'd langit. Sana da banage taḵon ay da anghel, pionda maawatane ustu.