Mark 12:40 - Sa Ugud Apudyus

⁴⁰ Allelawonda da baḻu ta aḻanda da ḵuḵuwada ya da boḻoyda ḵad anduanduwonda da luwaḻuda si sinagung da adu we tagu ta analingodda'tta ḵoḵoḵḵonda. Ḵad sana amo amadagson atte madusaanda.”

Mark 12:40 Iomraidhean Croise

Matthew 23:13

Pun ḵanan Jesus, “Ḵaddagu ḵayu, diḵayu we Pharisee ḵan mimistulun ni lintog. Ḵapappaila ḵayu! Te taḵon ay nu tuttuduwanyu oḵyan da tagu si inondae midoga si ampangatan Apudyus, adiyupun ḵoon anna ḵad isunan iyyonobyu sawange maḵwae lumnoḵanda. Taḵon ay diḵayu we mismu, adiyupun iyunude paipangat ḵan Apudyus ḵad adiyupun iyunud da udume maḻyad os paipangat ḵan siya.

Matthew 23:14

“Ḵaddagu ḵayu we Pharisee ya da mimistulun ni lintog. Ḵapappaila ḵayu! Te allelawonyu da baḻu ta aḻanyu da ḵuḵuwada ya da boḻoyda ḵad anduanduwonyu da luwaḻuyu si sinagung da adu we tagu ta analingodyu'tta ḵoḵoḵḵonyu. Ḵad sana amo amadagson atte madusaanyu.

Matthew 23:33

Tuttuwae lawweng ḵan ḵaḵimḵimut ḵayu! Diḵayu da ganaḵ ni uḻog. Adiḵayupun paat miligsi'tte anusaan Apudyus ḵan diḵayu'd infiernu!

Matthew 6:7

“Nu alluwaḻu ḵayu, adiyu paanduanduwon atta ugude ippun aḵit aḵ bogasnae isun ni ḵoḵoḵḵon da adipun angigammu ḵan Apudyus. Ḵanandapun nu dongngon Apudyus dida te adipun mangpus luwaḻuda.

Luke 20:47

Te allelawonda da baḻu ta aḻanda da ḵuḵuwada ya da boḻoyda ḵad anduanduwonda da luwaḻuda si sinagung da adu we tagu ta analingodda'tta ḵoḵoḵḵonda. Sa umali ye aḻgaw amo nadagdagson dusada.”

2 Corinthians 11:20

Te anuanusanyu dida nu ambalinon diḵayu'ḵ musassu baḵon nu gundawayan diḵayu, siḵapanda diḵayu, ampasindayawda ḵan diḵayu ya lipaḵonda da bosaḻyu.

2 Timothy 3:6

Te da udum ḵan dida, umoyda an-attuattun atta boḻoy da bubai ye allasu maawisanda ta allelawonda dida ta unudonda da ituttududa. Da sanae bubai, nambinsawda'tta ummamdane basuḻda ya da ansabasabali ye lawwenge pipionda.