Mark 12:37 - Sa Ugud Apudyus

³⁷ Pinagatupan Jesus woḵ ḵanana, “Nu ḵanan Ari David we mismu we aḵ Kristu Apuna, ngai inonae ganaḵna bos nu?” Ḵad da amode tagu, pipiondae nandodongngoḻ atta inugudna.

Mark 12:37 Iomraidhean Croise

Matthew 1:23

“Baag-en, mabugi babaḻasange ippun natnattoḵana. Umanaḵ aḵ laḻaḵi ḵad mangadanan aḵ Emmanuel.” Sa piona ugudon, “Anna ḵan ditaḵu'ḵ Apudyus.”

Matthew 11:25

Sa sadi ye timpu, ḵanan Jesus we nalluwaḻu, “Ama, ipangatam da losan sina'd luta ya ad langit. Anggappiyaaḵ ḵan siḵa te adimpun impaigammu ḵatuttuwaan atta nalalaing ḵan naadaḻane tagu, siya nangipaigammuwam da napakumbaba ya da antaḻgode isudan abeng.

Matthew 11:5

Da naḵuḻap, maḵailada, da napilay, maḵataddaḻanda, da naleprosy, naḵaan saḵitda, da natuḻong, maḵadongoḻda, da natoy, nataguda ḵasin ḵad miwaḻagawag Ambaḻu we Damag atta ḵapus.

Matthew 21:45

Dingngoḻ ḵad da papangat da papadi ya da Pharisee sanae pani, inigammudae dida piona ugudon.

Matthew 21:46

Pun pionda oḵyane doḵmaan aḵ Jesus yaḵon siya iyogyatda da tagu te imbelangda'ḵ Jesus we profeta.

Luke 19:48

Yaḵon ippun inonda te da losane tagu, pipiondae anodongngoḻ atta losane ibagana.

Luke 21:38

Ḵad da amode tagu, masapada'tta binigbigate umoy atte paway ni templo we andongoḻ atta ibagana.

John 12:9

Dingngoḻ ḵad da aduadu we Judyu we dummatong aḵ Jesus ad Bethany, ummoyda sidi. Yaḵon daḵampune abus aḵ Jesus aḵ umoyda ilan nu adi pionda bos umoy ilan aḵ Lazarus we tinagun Jesus.

Romans 9:5

Ḵad dida bos ganaḵ da ampapatoge tagun Apudyus si awe. Dida da iyIsrael we naḻpuwan Kristu. Siya angipangat atta losan ya siya Apudyus we madaydayaw aḵ inggainggana! Amen.

1 Timothy 3:16

Ḵad iniiggammu taḵu we ampatopatog pinati taḵu mipanggob ḵan Jesu Kristu. Adipun nipaigammu si awe yaḵon impaigammun Apudyus ḵan ditaḵu sinsadi. Nambalin aḵ tagu ya pinanoḵnoḵan ni Ispiritu Santu we siya Abeng Apudyus. Innilan da anghel, niwaḻagawag mipanggob ḵan siya'tta ḵinailin di ili. Namati da tagu'tte lubung ḵan siya woḵ nipangatu'd langit ta madaydayaw.

James 2:5

Andongoḻ ḵayu ay-ayatoḵe susunud ḵan Kristu. Daḵampun ḵamman ḵan Apudyus namili'tta ḵapus si annae lubung aḵ bumaḵnang si pammati ya gangganasonda da laḵsunda si midog-anda si ampangatan Apudyus we inkarina'tta angay-ayat ḵan siya?

Revelation 22:16

Ḵanana bos, “Saḵon aḵ Jesus we nangibuun si anghelḵu'ḵ anaḵdoḻ si ḵatuttuwaan da anna ḵan diḵayu ta ipaigammuyu'tta gimung da namati. Saḵon ganaḵ Ari David we nipadtu si awe ya nangadanan aḵ ambigattone sa ampigsa silawna.”