Mark 12:35 - Sa Ugud Apudyus

³⁵ Nantuttudu ḵad aḵ Jesus atte paway ni templo ḵanana, “Ngaipan da mimistulun ni lintog ibagae aḵ Kristu siya ganaḵ Ari David?

Mark 12:35 Iomraidhean Croise

Matthew 26:55

Pune sadi ḵanan Jesus atta adu we tagu, “Tulisanaḵ ḵamman ta ummali ḵayu we ampaḵ-odon ḵayu'ḵ ispada ḵan pang-oḵe umoy anoḵma ḵan saḵon? Inaḻgawe inninggawaḵ ḵan diḵayu'tte paway ni templo we antuttudu yaḵon adiyupun saḵon dinoḵmaan.

Matthew 9:27

Nallibbat ḵad da Jesus, tinun-ud da duwae naḵuḻap si anadtaddaḻananda woḵ ḵanandae napapḵaaw, “Siḵae ganaḵ Ari David, ḵadaguwam ḵappos diḵani!”

Mark 10:1

Pun tinenan da Jesus ad Capernaum woḵ ummoyda'tte probinsiya'd Judea woḵ dummoḻmangda'tte tawwang Jordan. Pune sadi naaligummu bos da amode tagu ḵan siya woḵ ḵasin os nantuttudu ḵan dida te siya ugalina.

Mark 11:27

Pun nipaulida ḵasin ad Jerusalem. Nanadtaddaḻan ḵad aḵ Jesus atte paway ni templo, ummoy ḵan siya da papangat da papadi, da mimistulun ni lintog ya da pallakayon da Judyu.

Mark 14:49

Inaḻgawe annaaḵ ḵan diḵayu'tte paway ni templo we antuttudu yaḵon adiyupun saḵon dinoḵmaan. Yaḵon naḵwa da losan ta mituttuwa nigili'tte Ugud Apudyus.”

Luke 19:47

Inaḻgawe nantuttudu'ḵ Jesus atte paway ni templo. Da papangat da papadi, da mimistulun ni lintog ya da udume papangat da Judyu, singsingngitda nu ngai inondae ampagongat ḵan siya.

Luke 20:1

Sin-aḻgawan ḵad, nantuttudu'ḵ Jesus atte paway ni templo woḵ iwwaḻagawagna Ambaḻu we Damag. Pun ummoy ḵan siya da papangat da papadi, da mimistulun ni lintog ya da pallakayon da Judyu.

Luke 21:37

Inaḻgawe ummoy aḵ Jesus nantuttudu'tte paway ni templo ya nilabi ye ummoy atte Beleg Olives.

John 18:20

Ḵanan Jesus, “Patilayunaḵ antuttudu si maḻamaḻang atte sinagoga ya sa paway ni templo we andaḵdaḵngan da losane Judyu. Ḵad naippun imbagaḵ aḵ nitataḻu.

John 7:42

Te nigili si Ugud Apudyus we maḻpu Kristu atta ganaḵ Ari David. Ḵad miyanaḵ ad Bethlehem we ilin Ari David atte awe.”