Mark 12:28 - Sa Ugud Apudyus

²⁸ Inninggaw mistulun ni lintoge nandodongngoḻ si ug-uggud da Sadducee ya aḵ Jesus woḵ dingngoḻna ustu we insongbat Jesus ḵan dida. Pun ḵanana, “Ngai ḵapatogan atta bilin Apudyus?”

Mark 12:28 Iomraidhean Croise

Matthew 19:18

Ḵanana, “Ngai'tta bilin ḵasapuḻane tuttuwaoḵ?” Ḵanan Jesus, “Adiḵa pumatoy, adiḵa maḵadagdagas, adiḵa an-aḵaw ya adiḵa antultulli.

Matthew 23:23

“Ḵaddagu ḵayu, diḵayu we mimistulun ni lintog ya da Pharisee. Ḵapappaila ḵayu! Te ittonyu ḵasimpuḻun ni apityu ḵan Apudyus, taḵon ay da muḻae amapiya'tta tipoy. Yaḵon adiyupun tuttuwaon ḵapatogane biline ituttudun ni lintog, isun da angwaanyu'tta maun-unan atta asintataguyu, ḵumadagu'tta asintataguyu ya mataḻgodan ḵayu. Ḵasapuḻane ḵoonyu da anna ḵad adiyu bos maliwatan da udum.

Matthew 5:19

Ḵad ngaimane allisalis taḵon ay ḵapeetan atta bilin Apudyus ya tuttuduwana da udum ose ḵoonda ḵaḵna, mibelange ḵababaan si ampangatan Apudyus. Yaḵon sa tagu we tumuttuwa ḵan angituttudu'tta bilinna, mibelange ḵangatuwan atte ampangatan Apudyus.

Mark 9:14

Nan-osog ḵad da Jesus, Peter, James ya aḵ John atte belege ummoy atta udume disipulu we tinenanda, innilada da amoamode tagu we nangaligummu ḵan dida. Inninggaw os da mimistulun ni lintoge naḵasossongbat ḵan dida.

Luke 11:42

“Ḵaddagu ḵayu we Pharisee! Te ittonyu ḵasimpuḻun ni apityu ḵan Apudyus, taḵon ay da muḻae amapiya'tta tipoy. Yaḵon adiyupun tuttuwaon ḵapatogane biline ituttudun ni lintog, isun da angwaanyu'tta ummun-un atta asintataguyu ya ayatonyu'ḵ Apudyus. Ḵasapuḻane ḵoonyu da anna ḵad adiyu bos maliwatan da udum.

Luke 20:39

Pun ḵanan da udume mimistulun ni lintog, “Mistulu, tuttuwa da insongbatnu.”