Mark 12:14 - Sa Ugud Apudyus

¹⁴ Pun dummatongda ḵad ḵananda, “Mistulu, igammuni ye tuttuwa da losane ibagam. Ibagam ustu we adimpun biyangan nu ngai ḵasasaad da tagu. Ḵad igammuni bose ippun laḵsigom aḵ tagu yaḵon siya ituttudum da ḵatuttuwaan mipanggob si pinion Apudyus we ḵoonda. Pun ibagam ud ḵan diḵani nu lisalison taḵu lintog Moses nu ambayad ḵani'tta bugis atte Emperor ad Rome baḵon nu umadini?”

Mark 12:14 Iomraidhean Croise

Matthew 22:16

Pun imbuunda da udume disipuludae Pharisee ya da nidoga si grupun Ari Herod ta umoyda ḵan Jesus. Indasanda ḵad, ḵananda, “Mistulu, igammuni ye losane ibagam tuttuwa ya igammuni bose ippun laḵlaḵsigom aḵ tagu te daḵampun aḵ siya itollongnu saad ni tagu yaḵon siya ituttudum ḵatuttuwaane mipanggob si pinion Apudyus we ḵoon da tagu.

Matthew 22:17

Pun ibagam ud nu ngai ḵasomsomḵam si anna. Lisalison taḵu ḵamman lintog Moses nu ambayad ḵani'tta bugis atte Emperor ad Rome? Ambayad ḵani baḵon nu umadini?”

Mark 12:13

Pun nangibuunda'tta grupun Ari Herod ya da udum atta Pharisee ta padasonda nu ankamali songbat Jesus ta siya ambatayandae angidaḻum.

Mark 12:15

Yaḵon inigammun Jesus we siḵapanda woḵ ḵanana, “Ngaipayu pappadason saḵon? Angidatong ḵayu ud aḵ ossaane palata ta ilaḵ.”

Mark 14:45

Dummatongda ḵad, daguse ummoy ḵan Jesus woḵ ḵanana, “Mistulu, kumustaḵa?” Pun inogoḵana.

Luke 20:22

Pun ibagam ud ḵan diḵani nu lisalisonni lintog Moses nu ambayad ḵani'tta bugis atte Emperor ad Rome? Ambayad ḵani baḵon nu umadini?”

Luke 23:2

indaḻumda'ḵ Jesus woḵ ḵananda, “Indasanni annae tagu we al-allelawona da susunude ganaḵ Israel. Sa ḵumagwa, ḵananae adiḵanipun oḵyan ambayad si bugis atte Emperor ad Rome ya sa ḵumaḵlu, ḵananae siya Kristu we Ari.”

John 7:18

Sa tagu we antuttudu we maḻpu si somsomoḵna, siya singtona midayawana. Yaḵon sa tagu we siya singtona dayaw ni nangibuun ḵan siya, pasige ustu ya tuttuwa da ibagana.

Romans 13:6

Ḵad sana gapun ni ambayadan taḵu'tta bugis taḵu te da pangat si gubilnu, anserbida ḵan Apudyus si angwaanda'tta ḵewaaḻda.

2 Corinthians 2:17

Yaḵon ḵan diḵani, daḵampun aḵ isuni da adu we nantuttududa'tte Ugud Apudyus ta angaḻ-anda'ḵ mabalinda. Te imbuun Apudyus diḵani ya abus aḵ ugudonni ḵatuttuwaan atte sinagungna si niyossaananni ḵan Kristu.

2 Corinthians 2:2

Te diḵayu abus aḵ amalayad atte somsomoḵḵu. Ḵad nu paḻawengoḵ somsomoḵyu, ngai amalayad ḵan saḵon nu?

2 Corinthians 4:1

Gapu'tte ḵadagun Apudyus, naatod ḵan diḵani annae ḵewaaḻ, pun adiḵanipun paat madismaya.

2 Corinthians 5:11

Pun gapu ta igammuni ye angisipog ḵan Apu, padasonni awison da tagu ta amatida ḵan siya. Yaḵon iniiggammun Apudyus diḵani ye naippun lawweng aḵ panggobni ya namnamaoḵe isuna bose iniiggammuyu diḵani.

2 Corinthians 5:16

Pun inggana sinsadi, adinipun bigbigon ngaimane tagu we ambatay si nainlubungane ḵasomsomḵan. Taḵon ay nu ḵatti inonni ye namigbig ḵan Kristu si awe, adinipun ogon ḵoon sinsana.

Galatians 1:10

Gamgamaḵ ḵad aine dayawonaḵ atta tagu si ḵaḵnae an-uugudḵu? Daḵampun! Sa madayawan Apudyus singsingtoḵ. Nu siya panggobḵu awisoḵ da tagu, adipun maḵwae mibelangaḵ aḵ anserbi ḵan Kristu.

Galatians 2:6

Yaḵon da sadi ye niyiyap aḵ papangat, ippun ḵanana ḵan saḵon nu ngai ḵasasaadda te an-iisuwon Apudyus da tagu, ippun paat intuḻ-ayda si intuttuduḵ.

1 Thessalonians 2:4

Yaḵon pinanoḵnoḵan Apudyus woḵ intaḻgodna ḵan diḵani angiwaḻagawag atte Ambaḻu we Damag woḵ siya ḵingwani. Ḵad daḵampun atta tagu pappadasonni pas-oman yaḵon aḵ Apudyus we angigammu nu ngai awad atte somsomoḵni.