Mark 11:14 - Sa Ugud Apudyus

¹⁴ Pun ḵanana'tte ḵayu, “Adiḵapun ogon amunga.” Pun dingngoḻ da disipuluna imbagana.

Mark 11:14 Iomraidhean Croise

Matthew 21:19

Innilana ḵad ḵayu we fig si igid ni ḵaḻsa, ummoyna inadani nu awad bungana yaḵon naippun indasana, abus tubuna. Pun ḵanan Jesus si ḵayu, “Inggana sinsadi, adiḵa ogon amunga!” Pun daguse naḻ-uy sadi ye ḵayu.

Matthew 21:33

Pun ḵanan Jesus, “Dongngonyu osae pani. Inninggaw tagu we nammuḻa'ḵ aduadu we grape atte lutana. Pun ḵinabitina nampaliḵwos woḵ ummabut atte batu ta mauppunan ni baḻat da de grape nu asotonda. Nantaḵad os aḵ antaḵnange boḻoy ta inggawan da guwaḻda. Pun impatangḵonna'tta udume gumagammole woḵ ummoy atte adayu we ili.

Matthew 21:44

Ngaimane maottag si annae batu magomogomoḵ ya sa tagu we maottagan ni sanae batu, magabugabuḵe isun di gabu.”

Matthew 3:10

Sa mipaniyan ni madusaanyu, isun ni wasaye nisasagganae ampoḵpoḵ atte ḵayu ya losane ḵayu we adipun amunga'ḵ ambaḻu mapoḵpoḵda ya miballuda'tte apuy.

Matthew 7:19

Ngaimane ḵayu we lawweng ambubungana, mapoḵpoḵ ya miballu si apuy.

Mark 11:13

Nan-otap ḵad, andi ḵayu we fig we amod de tubuna woḵ ummadani ta ilana nu awad bungana. Dummatong ḵad atte ḵayu, abuse tubu te daampun amungaanda.

Mark 11:15

Pun dummatongda ḵad ad Jerusalem, nillumnoḵ aḵ Jesus si paway ni templo woḵ pinaḻyawna da nallaḵu ya da ngumina'tta midatun ḵan Apudyus. Binalittuwaḵna bos da lamisaan da ansuḵsuḵat aḵ pilaḵ ya da tutuḵduwan da allaḵu'ḵ kalapati.

John 15:6

Ngaimane adipun iinggaw ḵan saḵon, isuna pangae miballu ya maḻangu. Mauppun da panga ḵad miballuda'tte apuy ya masgobda.

2 Peter 2:20

Nu maabuse miligsida'tte ḵinalawenge antatagun da tagu we adipun amati mipagapu si nangigammuwanda ḵan Jesu Kristu we Apu taḵu ya Anagu ḵan ditaḵu ya mipaulida bose ambalin aḵ musassu ḵan maabaḵ atta gagangaye basuḻda, sillumaweng anungus ni ḵasasaadda nu sa damu.

Revelation 22:11

Da dam-on angwa'tta lawweng ya da ḵaissaw, ḵinnuwandae pagatupandae angwa'tta lawweng ya da ḵaissaw. Da dam-on angwa'tta naun-unan ya sa ambaḻu we antatagu, ḵinnuwanda bose pagatupandae angwa'tta naun-unan ya angunud atte ambaḻu we antatagu.”