Mark 10:34 - Sa Ugud Apudyus

³⁴ ta ang-angyagonaḵ, tuptuppaanaḵ ḵan ap-aplitonaḵ ya asidaot saḵon gongaton. Yaḵon sa miḵaḵlu we aḻgaw, umuliyaḵ.”

Mark 10:34 Iomraidhean Croise

Matthew 16:21

Inggan ni sadi ye timpu, insaḻad Jesus we angibagabaga'tta disipuluna mipanggob si maḵwa ḵan siya'tte umali ye aḻgaw woḵ ḵanana, “Ḵasapuḻane iyyaḵ ad Jerusalem ya ampaḵaḻamonaḵ atta pallakayon da Judyu ya da papangat da papadi ya da mimistulun ni lintog. Ḵade sadi impagongatda saḵon yaḵon sa miḵaḵlu we aḻgaw, taguwon Apudyus saḵon.”

Matthew 26:67

Pun tinuptuppaanda, sinansantuḵda ya nilipalipaḵda bosaḻna,

Matthew 27:63

Ḵananda ḵan Gobernor Pilate, “Apu, inḵagasmoḵni ye sa sissiyae matattaguwan ni sanate tuliyan, ḵanana, ‘Umuli nu maḻaḵpus tuḻun aḻgaw.’

Mark 14:63

Dingngoḻ ḵad ni ḵangatuwane padi insongbatna, pinissayna silupna'tte sangana woḵ ḵanana, “Ngaipa taḵu ḵasapuḻan da udum aḵ anaḵdoḻ?

Mark 14:65

Nagangput ḵad, insaḻad da udume nanuptuppa ḵan siya woḵ binungutda atana woḵ ḵabiḵbiḵunganda. Ḵananda, “Nu lamognu pugtuwan, ibagam ḵan diḵani nu ngai da namiḵung ḵan siḵa?” Da nangguwaḻda ḵad os, nilipalipaḵda.

Mark 9:31

te nantuttudu'tta disipuluna. Ḵanana, “Saḵone Abeng Di Tagu, mipuḻangaḵ atta ḵabusuḻḵu ya gongatonda saḵon yaḵon umuliyaḵ atte miḵaḵlu we aḻgaw.”

Luke 23:11

Pun aḵ Herod nidoga bos atta suḻdadunae nanginsultu ya nangang-angyag ḵan Jesus. Sinilupanda si langgoyode isuna silup da ari woḵ naabus ḵad impaulida ḵan Pilate.

John 1:17

Innatod Apudyus lintog mipagapu ḵan Moses yaḵon mipagapu ḵan Jesu Kristu we pinilin Apudyus aḵ Anagu ya An-ari, impailana ḵinabaḻu ḵan ḵatuttuwaan mipanggob ḵan siya.

John 2:10

woḵ ḵanana ḵan siya, “Sa ugali taḵu, pasige umuna mitaug ampiyae bayas ḵad nu mabebbelengan da tagu, asiyot mitaug bogsaḻ. Yaḵon siḵa ḵad, indudulinnu ampiyae bayas woḵ asim intoḵwaḻ si anungusna.”

1 Corinthians 15:4

Nilibon ḵad ummuli si miḵaḵlu we aḻgawe mibatay os atte nigili ye Ugud Apudyus.