Mark 10:33 - Sa Ugud Apudyus

³³ Ḵanana, “Dongngonyu, annae anagada taḵu'd Jerusalem. Ḵad nu dumatong taḵu, saḵone Abeng Di Tagu mipuḻangaḵ atta papangat da papadi ya da mimistulun ni lintog. Ḵad ḵoddonganda saḵon aḵ matoy ya ipuḻangda saḵon atta Gentil,

Mark 10:33 Iomraidhean Croise

Matthew 16:21

Inggan ni sadi ye timpu, insaḻad Jesus we angibagabaga'tta disipuluna mipanggob si maḵwa ḵan siya'tte umali ye aḻgaw woḵ ḵanana, “Ḵasapuḻane iyyaḵ ad Jerusalem ya ampaḵaḻamonaḵ atta pallakayon da Judyu ya da papangat da papadi ya da mimistulun ni lintog. Ḵade sadi impagongatda saḵon yaḵon sa miḵaḵlu we aḻgaw, taguwon Apudyus saḵon.”

Matthew 26:66

Ngai ḵasomsomḵanyu?” Ḵanandae summongbat, “Naḵabasuḻ! Ḵasapuḻane matoy.”

Matthew 27:2

Pun binaḻudda woḵ inniyoyda ḵan Gobernor Pilate.

Mark 14:64

Anna paye dingngoḻ taḵu inugudnae iyisuna long-agna ḵan Apudyus! Ngai ḵasomsomḵanyu?” Pun losanda ḵinoddongane ḵaḻabbonganae matoy.

Mark 15:1

Wiḵwiḵis ḵad, nandatdatong da papangat da papadi, da pallakayon da Judyu, da mimistulun ni lintog ya da losane ḵuḵunsisaḻ woḵ nantutuḻagda nu ngai ḵoonda ḵan Jesus. Nagangputda ḵad nantutuḻag, binaḻudda. Pun intallayda woḵ impuḻangda ḵan Gobernor Pilate.

Mark 8:31

Pune sadi insaḻad Jesus we nangituttudu'tta disipuluna nu ngai maḵwa ḵan siya'tte umali ye aḻgaw. Ḵanana, “Saḵone Abeng Di Tagu, ḵasapuḻane ampaḵaḻamaḵ. Da pallakayon da Judyu, da papangat da papadi ya da mimistulun ni lintog, idiyanda saḵon ya gongatonaḵ. Ḵad sa miḵaḵlu we aḻgaw, mataguwaḵ ḵasin.”

Mark 9:12

Ḵanan Jesus, “Sa tuttududa tuttuwae umuna'ḵ Profeta Elijah umali ta umoyna iyuḻnus da losan. Awad os si nigili ye Ugud Apudyus mipanggob ḵan saḵone Abeng Di Tagu. Sa imbagana, ḵasapuḻane ampaḵaḻamaḵ ya am-amsewonda bos saḵon.

Mark 9:31

te nantuttudu'tta disipuluna. Ḵanana, “Saḵone Abeng Di Tagu, mipuḻangaḵ atta ḵabusuḻḵu ya gongatonda saḵon yaḵon umuliyaḵ atte miḵaḵlu we aḻgaw.”

Luke 23:21

yaḵon amo ḵanandae nanug-uy, “Paipattoḻnu'tte kros! Paipattoḻnu'tte kros!”

Luke 9:22

Ḵanan Jesus, “Saḵone Abeng Di Tagu, ḵasapuḻane ampaḵaḻamaḵ. Idiyanaḵ atta pallakayon da Judyu, da papangat da papadi ya da mimistulun ni lintog ya gongatonaḵ. Yaḵon sa miḵaḵlu we aḻgaw, taguwon Apudyus saḵon.”

John 18:28

Wiḵwiḵis ḵad, illawada'ḵ Jesus atte boḻoy Caiaphas woḵ inniyoyda'tte palas Gobernor Pilate. Yaḵon adipun nillumnoḵ da Judyu ta adida mibelang aḵ ḵaissaw yaḵon maḵaḵanda'tte Gayagayae ngannonda Nallausan.

John 18:32

Naḵwa da anna ta mituttuwa imbagan Jesus si mipanggob atte inonae matoy.

John 19:11

Ḵanan Jesus, “Naippun ḵabooḻam ḵan saḵon nu adin Apudyus innatod ḵan siḵa. Pun da nangipuḻang ḵan saḵon ḵan siḵa nadagdagson da basuḻda.”

Acts 13:27

Te da tagu'd Jerusalem ya da papangatda, adidapun immatunane aḵ Jesus baḵon nu naawatan da imbagabagan da profetan Apudyus we basabasaonda'tta umillongan da Judyu. Pun dida nangituttuwa'tta imbagan da profetan Apudyus si nangoddonganda ḵan Jesus aḵ matoy.

Acts 20:22

“Sinsadi, iyyaḵ ad Jerusalem te siya imbilin ni Ispiritu Santu ḵan saḵon ḵad ippun igammuḵ nu ngai maḵwa ḵan saḵon sidi.

James 5:6

Ḵinoddonganyu ḵan gingngatyu da tagu we naun-unane naippun ḵaḻabbongandae sumullagi ḵan diḵayu.