Mark 10:24 - Sa Ugud Apudyus

²⁴ Natataag da disipuluna'tte dingngoḻda imbagan Jesus yaḵon iḵasiḵasinna ḵanane, “Abengḵu, atomagay ḵamnut ni midog-an da tagu si ampangatan Apudyus!

Mark 10:24 Iomraidhean Croise

Matthew 19:25

Dingngoḻ ḵad da disipuluna sana, amod pagay nantataagda woḵ ḵananda, “Ngai ḵad ain da maḵwae matagu?”

Mark 1:27

Da tagu ḵad, nataagda losan woḵ sintotoḵoḻda, pun ḵanandae nan-asiimus, “Atopay aḵay anna! Baru we tuttudu we anna ḵaḻabbongana te taḵon ay da aḻan, bilinona dida ya tummuttuwada.”

Mark 10:23

Pun nallangḻanga'ḵ Jesus atta disipuluna woḵ ḵanana, “Anḵamnut midog-an da babaḵnang si ampangatan Apudyus.”

Luke 16:14

Dingngoḻ ḵad da Pharisee imbagan Jesus, inam-amsewda te siya pionda pilaḵ.

John 13:33

“Aabengḵu, sin-aḵitan inggawaḵ ḵan diḵayu. Ḵad singtonyu saḵon ya sa imbagaḵ atta Judyu, sinsadi annae ibagaḵ ḵan diḵayu we sa annae ayaḵ, adiḵayupun maḵaali.

John 21:5

Ḵanan Jesus ḵan dida, “Susunud! Awad innaḻayu'ḵ ugadiw?” Ḵanandae summongbat, “Naippun!”

John 6:60

Dingngoḻ ḵad da adu'tta disipuluna annae imbagana ḵananda, “Atopay ḵamnut ni annae tuttuduna! Ngai maḻyad andongoḻ?”

Galatians 4:19

Gapu ḵan diḵayu ay-ayatoḵe aabeng, ampaḵaḻamaḵ ose isun ni inae anggumut inggana'ḵ awad ḵan diḵayu ugalin Kristu.

1 Timothy 6:17

Bilinom da babaḵnang sinsadi si annae lubung ta adida ampasindayaw ya adida antaḻgod atta binaḵnangdae sin-aḵitan ya maumas. Yaḵon aḵ Apudyus oḵyan antaḻgodanda te siya angitoitod atta losane ḵasapuḻan taḵu ta gangganason taḵu dida.

1 John 2:1

Diḵayu we abengḵu, nanuḻataḵ ḵan diḵayu ta adi ḵayu bumasuḻ. Yaḵon nu awad bumasuḻ, awad de angiyugud ḵan ditaḵu ḵan Apudyus we Ama, siya'ḵ Jesu Kristu we naun-unan.

1 John 4:4

Aabengḵu, diḵayu da abeng Apudyus ya illogyu da sinan profeta te adidapun lamog inallelaw diḵayu. Te sa Ispiritu Santu we awad ḵan diḵayu, amo maḵabooḻ nu aḵ Satan we angipangat atta tagu we adipun namati.

1 John 5:21

Ay-ayatoḵe aabengḵu, adayuwanyu da sinan-apudyus.

Revelation 3:17

Te ḵananyu we baḵnang ḵayu ya awad ḵan diḵayu da losane ḵasapuḻanyu. Yaḵon adiyupun igammu we sa ḵatuttuwaan, ḵaddagu ḵayu, ḵapus ḵayu, amboboddang ḵayu ya naḵuḻap ḵayu.