Mark 10:2 - Sa Ugud Apudyus

² Inninggaw os da Pharisee ye ummoy namadas ḵan siya woḵ ḵananda, “Iyunud ḵamman ni lintog taḵu we idangan ni laḻaḵi asawana?”

Mark 10:2 Iomraidhean Croise

Matthew 15:12

Pun ummadani da disipuluna ḵan siya woḵ ḵananda, “Adimpun ḵamman igammu we sumanga da Pharisee si dingngoḻda imbagam?”

Matthew 16:1

Dummatongda ḵad, inninggaw da udume Pharisee ya da Sadducee ye ummoy ḵan Jesus ta padasonda siḵapan. Pun ḵananda, “Angipailaḵa ud ḵan diḵani'tta nakaskasdaawe sinyal aḵ angigammuwanni ye aḵ Apudyus ad langit nangibuun ḵan siḵa.”

Matthew 19:3

Pun ummoy da udume Pharisee ḵan Jesus ta padasonda siḵapan woḵ ḵananda ḵan siya, “Iyunud ḵamman ni lintoge idangan ni laḻaḵi asawana taḵon ay nu ngai ye gapu?”

Matthew 22:35

Inninggaw osa ḵan didae nalainge mistulun ni lintoge nan-imus ḵan Jesus ta siḵapana.

Matthew 23:13

Pun ḵanan Jesus, “Ḵaddagu ḵayu, diḵayu we Pharisee ḵan mimistulun ni lintog. Ḵapappaila ḵayu! Te taḵon ay nu tuttuduwanyu oḵyan da tagu si inondae midoga si ampangatan Apudyus, adiyupun ḵoon anna ḵad isunan iyyonobyu sawange maḵwae lumnoḵanda. Taḵon ay diḵayu we mismu, adiyupun iyunude paipangat ḵan Apudyus ḵad adiyupun iyunud da udume maḻyad os paipangat ḵan siya.

Matthew 9:34

Yaḵon ḵanan da Pharisee, “Sa pangat da aḻan nangitod atte ḵabooḻanae amaḻyaw atta aḻan.”

Mark 10:1

Pun tinenan da Jesus ad Capernaum woḵ ummoyda'tte probinsiya'd Judea woḵ dummoḻmangda'tte tawwang Jordan. Pune sadi naaligummu bos da amode tagu ḵan siya woḵ ḵasin os nantuttudu ḵan dida te siya ugalina.

Mark 10:3

Ḵanan Jesus, “Ngai ḵad ain imbilin Moses ḵan diḵayu'tte awe?”

Mark 8:11

Pun inninggaw da udume Pharisee ye ummoy ḵan Jesus. Pionda padason, pun insaḻaddae nansosongbat. Ḵad ḵindawdae ḵoona nakaskasdaawe sinyal ta mapanoḵnoḵane aḵ Apudyus pagay nangibuun ḵan siya.

Mark 8:15

Pun ḵanan Jesus we namilin ḵan dida, “Ummanyu ta adi ḵayu maalisan atte yeast da Pharisee ya aḵ Herod.”

Luke 11:39

Pun ḵanan Jesus ḵan siya, “Ḵaddagu ḵayu, diḵayu we Pharisee. Ḵapappaila ḵayu! Iissuyu tagu we ḵiwasanae abus labaw ni tasa ya sa palatu! Yaḵon ad daḻom atta somsomoḵyu, amod ḵamommodyu ḵan lawwelawweng ḵayu.

Luke 16:14

Dingngoḻ ḵad da Pharisee imbagan Jesus, inam-amsewda te siya pionda pilaḵ.

Luke 5:30

Singngongonot da Pharisee ya da udume mimistulun ni lintog atta disipulun Jesus we ḵananda, “Ngaipa ḵayu maḵaḵan atta andadagup atta bugis ya da udume ḵabasbassuḻan?”

Luke 6:7

Inninggaw os da udume mimistulun ni lintog ya da Pharisee ye angitotollong ḵan siya ta ilanda nu ḵaanona saḵit atte umillongan te pionda pabasuḻon aḵ Jesus.

Luke 7:30

Yaḵon da Pharisee ya da nalainge mimistulun ni lintog, indiyanda panggob Apudyus ḵan dida woḵ adidapun nampabonyag ḵan John.

John 11:47

Pun da papangat da papadi ya da Pharisee, impaayagda da ḵuḵunsisaḻ woḵ ḵananda, “Ngai ḵoon taḵu? Te adu da ḵingwan ni annae tagu we nakaskasdaawe sinyal.

John 11:57

Imbilin da papangat da papadi ya da Pharisee ye nu ngai angigammu si igaw Jesus ipaigammuda oḵyan ḵan dida ta padoḵmada.

John 7:32

Dingngoḻ ḵad da Pharisee ye sin-aayumimit da amode tagu mipanggob ḵan Jesus, nangibuun da papangat da papadi ya da Pharisee atta guwaḻdan ni templo ta umoyda doḵmaan aḵ Jesus.

John 7:48

Awad ḵad ain osa'tta papangat baḵon nu ossaan ḵan diḵani ye Pharisee aḵ namati ḵan siya?

John 8:6

Ḵaḵna im-imusda te pionda padason aḵ Jesus ta ngai ḵad de isongbatna siya ambatayandae angidaḻum ḵan siya. Yaḵon nangwa ḵad aḵ Jesus, ummobaob woḵ nanggilina tammuduna si gabu.

1 Corinthians 10:9

Adi taḵu bos pappadason aḵ Kristu we isun ni ḵingwan da udum ḵan dida woḵ nanḵaḵatoyda gapu'tte ḵotob da uḻog.