Mark 10:17 - Sa Ugud Apudyus

¹⁷ Alliblibbat ḵad da Jesus, inninggaw laḻaḵi ye nanoddaḵ woḵ ummoy si inggawan Jesus. Ḵananae nanalluḵu ḵan siya, “Ambaḻu we Mistulu, ngai ambaḻu we ḵooḵ ta ittanaḵ ḵan Apudyus atte biyag aḵ inggana?”

Mark 10:17 Iomraidhean Croise

Matthew 17:14

Nipaulida ḵad atta adu we tagu, ḵummatam osa woḵ nanalluḵu si sinagung Jesus

Matthew 25:34

“Pun saḵone Ari, asiḵ ḵanane angibaga'tta tagu we awad si madawinanḵu, ‘Awwayyu, diḵayu we binindisyunan Amaḵ ta gangganasonyu da laḵsunyu we midog-anyu si ampangatan Apudyus we nisaganae inggawanyu inggan ni naḵwaan ni lubung.

Matthew 28:8

Pun maḵamuda gaye nanenan atte libon. Naḵimtanda yaḵon amod pagay layadda woḵ nanoddaḵdae ummoy nangibaga'tta disipuluna.

Mark 1:40

Sin-aḻgawan ḵad, inninggaw osae laḻaḵi ye naleprosy ye ummoy ḵan Jesus woḵ nanalluḵu nandagdagu, ḵanana, “Nu piom, lamognu ḵaanon saḵitḵu.”

Mark 10:18

Ḵanan Jesus ḵan siya, “Ngaipam saḵon awagan aḵ ambaḻu? Naippun udum aḵ ambaḻu yaḵon abus aḵ Apudyus.

Mark 12:14

Pun dummatongda ḵad ḵananda, “Mistulu, igammuni ye tuttuwa da losane ibagam. Ibagam ustu we adimpun biyangan nu ngai ḵasasaad da tagu. Ḵad igammuni bose ippun laḵsigom aḵ tagu yaḵon siya ituttudum da ḵatuttuwaan mipanggob si pinion Apudyus we ḵoonda. Pun ibagam ud ḵan diḵani nu lisalison taḵu lintog Moses nu ambayad ḵani'tta bugis atte Emperor ad Rome baḵon nu umadini?”

Mark 9:25

Innilan ḵad Jesus we aduadu da tagu we sintotoddaḵe ummoy ḵan siya, sinuppaḵana aḻan woḵ ḵananae namaḻyaw, “Siḵae aḻane nangwa si natuḻongan ḵan naumoḻan ni annae abeng, lumawaḵa ya adiḵa ogon lumnoḵ ḵan siya.”

Luke 10:25

Inninggaw osa ḵan didae nalainge mistulun ni lintoge tummaḵdog woḵ ḵananae namadas ḵan Jesus, “Mistulu, ngai ambaḻu we ḵooḵ ta ittanaḵ ḵan Apudyus atte biyag aḵ inggana?”

John 3:2

Sillabiyan ḵad, ummoy ḵan Jesus woḵ ḵanana, “Mistulu, igammuni ye siḵa imbuun Apudyus we umoy antuttudu ḵan diḵani te naippun maḵaḵwa'tta nakaskasdaawe sinyale ḵoom nu maid aḵ Apudyus ḵan siya.”

John 5:39

Adaadaḻonyu nigili ye Ugud Apudyus te ḵananyupun nu sadi angitod ḵan diḵayu si biyag aḵ inggana. Ḵad sa sanae Ugud Apudyus siya anaḵdoḻ si mipanggob ḵan saḵon.

John 6:40

te sa pinion Amaḵ, losane angimatune saḵon Abengna ya amati ḵan saḵon, maittanda si biyag aḵ inggana. Ḵad pauliyoḵ dida taguwon si anungus ni aḻgaw.”

Acts 16:30

Pun illawana dida woḵ ḵanana, “Apu, ngai ḵasapuḻane ḵooḵ ta mataguwaḵ?”

Acts 2:37

Dingngoḻ ḵad da adu we tagu imbagan Peter, amod de babawida woḵ ḵananda ḵan Peter ya da udume apostol, “Susunude ganaḵ Israel, ngai ḵoonni?”

Acts 20:32

“Sinsadi itaḻgodḵu diḵayu ḵan Apudyus ya sa ḵinabaḻuna. Siya maḵabooḻe amapigsa'tta pammatiyu ya angitod si impaḻaḵsunna'tta losane intotoḵḵonnae taguna.

Acts 9:6

Yaḵon allibbatḵa ta inḵa si siyudad ḵad awad de angibaga ḵan siḵa si ḵasapuḻane ḵoom.”

Romans 2:7

Da tagu we angipapati angwa'tta ambaḻu ta madayawanda, mapatganda ya mataguda'd langit aḵ inggainggana ya dida angittan Apudyus si biyag aḵ inggana.

Romans 6:23

Te sa bayad ni basuḻ siya ḵatoy. Yaḵon sa libli ye atod Apudyus siya biyag aḵ inggana mipagapu si niyossaanan taḵu ḵan Jesu Kristu we Apu taḵu.

Ephesians 1:18

Ḵodawoḵ ose silawan Apudyus da somsomoḵyu ta igammuwonyu namnamaon taḵu gapu si namiliyana ḵan ditaḵu ya maawatanyu ḵaadu ḵan ḵinabaḻun ni bindisyune inkarina'tta tagun Apudyus.

Titus 3:7

Ḵingwana ḵaḵna ta ambalin taḵu'ḵ angilaḵsune awad de namnama taḵu si biyag aḵ inggana. Pun sa angibatayan taḵu si annae namnama taḵu, ḵingwana ditaḵu'ḵ maun-unan gapu'tte ḵinabaḻuna.

Hebrews 1:14

Ngai da anghel nu? Dida da Ispiritu we anserbi ḵan Apudyus ḵad imbuunna dida'ḵ bumadang atta tagu we umawat si mataguwan.

1 Peter 1:4

ḵad sana laḵsun taḵu we maḻpu ḵan Apudyus we adipun paat madadail ḵan maḵaissawan ya adipun os umaḵit patognae nigagappot ad langite para ḵan ditaḵu.

1 John 2:25

Ḵad sana inkarin Kristu we ittona ḵan ditaḵu biyag aḵ inggana.