Mark 1:5 - Sa Ugud Apudyus

⁵ Pun adu da naḻpu'd Jerusalem ya da losane ili'tte probinsiya'd Judea we ummoy ḵan siya woḵ imbabaggada da basuḻda pun binonyagan John dida'tte tawwang Jordan.

Mark 1:5 Iomraidhean Croise

Matthew 4:25

Nitun-ud ḵan siya da ummamdane tagu we naḻpu'tte probinsiya'd Galilee, siyudad ad Jerusalem, probinsiya'd Judea ya da nampaliḵwos ad Decapolis ya da ili ye inggaw si domang ni tawwang Jordan.

Mark 1:4

Pune sadi, nituttuwa te nampaila'ḵ John we Ambobonyag atte bumbummaaw woḵ iwwaḻagawagna'tta losane ummoy nandongoḻ. Ḵanana, “Ibabawiyu da basuḻyu ya agayyu we angwa ya ampabonyag ḵayu ta pakawanon Apudyus diḵayu.”

Mark 1:6

Sa silup John, naaboḻe dutdut da camel ya laḻat taḵyadna. Ḵad dudun ya dilu ḵanoḵanona.

John 1:28

Naḵwa da anna'd Bethany atte biiḵ ni tawwang Jordan we sa nambonyagan John atta tagu.

John 3:23

Aḵ John ḵad os, nambonyag ad Aenon we adani'd Salim te adu danum sidi. Ḵad dumanatong da tagu we umoy ḵan siya pabonyag.

John 5:35

Aḵ John, mipani'tte silawe lumangḻang ta silawana da somsomoḵyu. Ḵad ginangganasyu we nandongoḻ ḵan siya si sin-aḵitan.

Acts 19:18

Pun adu bos atta namati da nangibabawi'tta ḵoḵoḵḵonda.

Acts 2:38

Ḵanan Peter ḵan dida, “Ibabawiyu da basuḻyu ya agayyu we angwa ya awad osa ḵan diḵayu ampabonyag atte ngadan Jesu Kristu ta mapakawan da basuḻyu ya awatonyu atod ni Ispiritu Santu.

James 5:16

Pun an-asibabagga ḵayu'tta basuḻyu ya an-asiluwaḻu ḵayu ta maḵaan da saḵityu. Te sa luwaḻun ni naun-unane tagu ampigsa ḵabooḻana ḵan ambanagana.