Mark 1:39 - Sa Ugud Apudyus

³⁹ Pun ummoyda nanggaḵay atta losane ili'tte probinsiya'd Galilee woḵ iwwaḻagawag Jesus Ambaḻu we Damag atta adu we sinagoga woḵ paḻyawona da aḻan atta naaḻanan.

Mark 1:39 Iomraidhean Croise

Matthew 4:23

Ginaḵay Jesus da losane ili'tte probinsiya'd Galilee woḵ nantuttudu'tta sinagogada. Iwwaḻagawagna Ambaḻu we Damag mipanggob si ampangatan Apudyus. Ḵinaanna da nankalakalasi ye saḵit ḵan ampaḵaḻaman da tagu.

Matthew 9:35

Ginaḵagaḵay Jesus da losane siyudad ḵan losane ili. Nantuttudu'tta sinagogada ya iwwaḻagawagna Ambaḻu we Damag mipanggob si ampangatan Apudyus ḵan ḵinaanna bos da losane kalasin di saḵit ya da ampaḵaḻaman da tagu.

Mark 1:21

Pune sadi, ummoy da Jesus ya da disipuluna'd Capernaum. Sa umillongan da Judyu, nillumnoḵda'tte sinagoga woḵ insaḻad Jesus we nantuttudu.

Mark 1:23

Pune sadi, inninggaw atte sinagogada laḻaḵi ye naaḻanan woḵ ḵananae nantuḵituḵing,

Mark 1:38

Ḵanana, “Intaḵu'tta nampaliḵwose ili ta iyyaḵ iwaḻagawag Ambaḻu we Damag te siya panggobḵu we ummali sina.”

Mark 3:1

Sin-aḻgawan ḵad, nipauli'ḵ Jesus atte sinagoga. Inninggaw laḻaḵi ye naangḵet imana.

Mark 6:6

Nataag atte ippun pammatida ḵan siya. Pune sadi, ummoy aḵ Jesus nantuttudu'tta nampaliḵwose ili.

Mark 7:30

Pun ummoyon bubai woḵ indasana abengnae innumbog atte ḵama. Ḵad tuttuwae tummoḵwaḻ aḻan ḵan siya.

Luke 4:41

Pinaḻyawna bos da aḻan atta adu we naaḻanan. Lummawada ḵad, ḵanandae simbobogga, “Siḵa Abeng Apudyus!” Sinang-an Jesus dida woḵ adinapun dida iyyunude an-uguugud te iniiggammudae siya Kristu.