Mark 1:14 - Sa Ugud Apudyus

¹⁴ Naabus ḵade nibaḻud aḵ John, nipauli'ḵ Jesus atte probinsiya'd Galilee ta umoyna iwaḻagawag Ambaḻu we Damag we naḻpu ḵan Apudyus.

Mark 1:14 Iomraidhean Croise

Matthew 11:2

Aḵ John ḵade Ambobonyag, sissiya si babaḻḻudan. Pun dingngoḻna ḵad da ḵingwan Kristu, imbuunna da udum atta disipuluna

Matthew 14:2

ḵanana'tta sammiluna, “Sa annae Jesus, siya'ḵ John we Ambobonyag we ummuli. Siya gapunae annat ḵabooḻanae angwa'tta nakaskasdaaw.”

Matthew 4:12

Dingngoḻ ḵad Jesus we nibaḻud aḵ John we ambobonyag, nipauli'tte probinsiya'd Galilee.

Matthew 4:17

Inggan ni sadi ye timpu, insaḻad Jesus we nangiwaḻagawag woḵ ḵanana, “Ibabawiyu da basuḻyu ya agayyu we angwa te gattoḵe sinsadi awad ḵan diḵayu ampangatan Apudyus.”

Matthew 4:23

Ginaḵay Jesus da losane ili'tte probinsiya'd Galilee woḵ nantuttudu'tta sinagogada. Iwwaḻagawagna Ambaḻu we Damag mipanggob si ampangatan Apudyus. Ḵinaanna da nankalakalasi ye saḵit ḵan ampaḵaḻaman da tagu.

Matthew 9:35

Ginaḵagaḵay Jesus da losane siyudad ḵan losane ili. Nantuttudu'tta sinagogada ya iwwaḻagawagna Ambaḻu we Damag mipanggob si ampangatan Apudyus ḵan ḵinaanna bos da losane kalasin di saḵit ya da ampaḵaḻaman da tagu.

Luke 3:20

Pune sadi, ḵingwan Herod de sillumaweng te impaibaḻudna'ḵ John.

Luke 8:1

Unipun, nanggaḵay aḵ Jesus atta siyudad ḵan ili, iwwaḻagawagna Ambaḻu we Damag mipanggob si ampangatan Apudyus. Nibuḻun da nasawaḻan aḵ duwae disipuluna ḵan siya.

Acts 20:25

“Sinsadi andongoḻ ḵayu, igammuḵe diḵayu we nangiwaḻagawagaḵ mipanggob atte ampangatan Apudyus, aditaḵupun ogon an-asiila.

Acts 28:23

Pun imbagada aḻgawe andaḵdaḵnganda. Dummatong ḵad sadi ye aḻgaw, aduadu da tagu we ummoy si inggawan Paul. Pun insaḻadna'tte bigbigat inggana'ḵ lummabi ye nangipaḵaawat ya nangipanoḵnoḵ si mipanggob atte ampangatan Apudyus. Impadasna inawis dida ta amatida ḵan Jesus atte nangiwaḻagawaganna'tte lintog Moses ya da inggilin da udume profetan Apudyus.

Romans 1:1

Saḵon aḵ Paul we osa'tta sammilun Jesu Kristu. Pinilin Apudyus saḵon aḵ osa'tta apostolna ya dinutuḵana bos saḵon aḵ umoy angiwaḻagawag si Ambaḻu we Damag we naḻpu ḵan Apudyus.

Ephesians 2:17

Ḵad ummali'ḵ Kristu si annae lubung woḵ iwwaḻagawagna'tta Gentil we adayu ḵan Apudyus si awe ya da Judyu we adani ḵan Apudyus mipanggob atte inon da tagu we allin-awa maḵabuḻbuḻunanda ḵan Apudyus.