Luke 9:3 - Sa Ugud Apudyus

³ Pune sadi binilinna dida woḵ ḵanana, “Adi ḵayu angawit aḵ suḻḵud, baḵaḻ, maḵan, pilaḵ ḵan ansuḵatanyu'ḵ silup atta ngaimane ayanyu.

Luke 9:3 Iomraidhean Croise

Mark 6:7

Inayagana da nasawaḻan aḵ duwae disipuluna woḵ imbuunna dida sinindodwa. Innattana dida'ḵ ḵaḻabbongane amaḻyaw atta aḻan da naaḻanan,

Luke 12:22

Ḵanan Jesus atta disipuluna, “Pun annaya ibagaḵ ḵan diḵayu, adi ḵayu ambinsaw mipanggob si biyagyu, da ḵanonyu, baḵon nu mipanggob atta long-agyu ya da iḵabotyu.

Luke 12:28

Pun nu ḵaḵnat itton Apudyus we binaḻun da lumune matagu sinsadi ya appigat miballuda si apuy, aaddi ye ittona bos da silupe ḵasapuḻanyu. Diḵayu ḵad, ngaipa aḵit pammatiyu?

Luke 22:35

Pun ḵanan Jesus ḵan dida, “Sa nangibuunaḵ ḵan diḵayu we naippun innaw-awityu'ḵ pilaḵ, baḵaḻ ya sandal, awad ḵad ain nangkuranganyu'tta ngaiman?” Summongbatda woḵ ḵananda, “Naippun tuwa.”

Luke 3:11

Ḵanana, “Ngaimane duwa silupna, ittona oḵyan osa'tte ippun silupna. Ḵad sa ansawaḻ aḵ maḵan, angitod oḵyan atta ippun ḵanonda.”

Luke 5:29

Pun minangilin Levi da Jesus atte boḻoyna. Inninggaw da adu we andadagup atta bugis ya da udume tagu we naḵaḵan ḵan dida.

Luke 9:4

Ngaimane ammangili ḵan diḵayu si boḻoyda, inggaw ḵayu inggana'ḵ tenanyu sadi ye ili.

2 Timothy 2:4

Unudom os angwan ni suḻdadu we adipun maḵaḵḵaila si ḵoon da sibilyan te pionae pas-oman kumanderna.