Luke 8:54 - Sa Ugud Apudyus

⁵⁴ Yaḵon innonnan Jesus iman ni babaḻasang woḵ ḵanana, “Abeng, bumangonḵa!”

Luke 8:54 Iomraidhean Croise

Matthew 9:25

Yaḵon pinaḻawan ḵad Jesus dida, nillumnoḵ atte kuwartun ni abeng woḵ innonnana imana, pun nabanangon.

Mark 1:31

Ummadani woḵ innonnana imana ta badanganae bumangon. Pune sadi, daguse naḵaan atungna woḵ paḵanana da Jesus.

Mark 8:23

Pune sadi ḵiniwid Jesus naḵuḻap woḵ intallayna si igid ni ili. Pun tinuppaana atan ni naḵuḻap woḵ iyappadna imana ḵan siya. Ḵanana, “Awad pagay ilam?”

Mark 9:27

Pun innonnan Jesus imana woḵ pinasiḵadna.

Luke 8:51

Dummatongda ḵad si boḻoy da Jairus, adimpun Jesus iyyunude awad lumnoḵ, abus da Peter, John ya aḵ James ya da ama ḵan inan ni babaḻasang.

Luke 8:53

Pun inem-emesda'ḵ Jesus te iniiggammudae natoy.

Luke 8:55

Pun nipauli ḵalidodwan ni babaḻasang, natanaḵdog woḵ ḵanan Jesus, “Ittanyu'ḵ ḵanona.”

John 11:43

Inabusna ḵad imbaga anna, indangsoḻna ḵanane nampoḵaw, “Lazarus, tumoḵwaḻḵa!”

John 5:21

Te nu tinagun Amaḵ da natoy ya ittana dida si biyag, taguwoḵ ose Abengna ya ittaḵ os si biyag da pioḵ.

Acts 9:40

Yaḵon pinaḻawan Peter dida losan woḵ nanalluḵu we nalluwaḻu. Naabus ḵad, nansagung si natoy woḵ ḵanana, “Tabitha, bumangonḵa.” Pune sadi, nandiyat woḵ innilana ḵad aḵ Peter, tummuḵdu.

Romans 4:17

Ḵanan ni nigili ye Ugud Apudyus, “Nambalinoḵ siḵa'ḵ aman da adu we ili.” Siya ama taḵu si antotollong Apudyus we pinatin Abraham, siya maḵabooḻe anagu'tta natoy ḵan angwa'tta banage naippun.