Luke 8:18 - Sa Ugud Apudyus

¹⁸ “Gapu'tte sadi, sisinnoogonyu da annae ibagaḵ. Te sa anuttuwa si dingngoḻna, amo madog-an an-aawatna. Yaḵon sa tagu we adinapun ḵoon dingngoḻna, taḵon ay aḵite ḵananae awad ḵan siya, maḵaan.”

Luke 8:18 Iomraidhean Croise

Matthew 13:12

Te sa anuttuwa si dingngoḻna, amo madog-an an-aawatna inggana'ḵ aduadu maawatana. Yaḵon sa tagu we adinapun ḵoon dingngoḻna, taḵon ay awad ḵan siya, maḵaan.

Matthew 25:29

Te sa anuttuwa si dingngoḻna, amo madog-an an-aawatna inggana'ḵ aduadu da maawatana. Yaḵon sa tagu ḵade adinapun ḵoon dingngoḻna, taḵon ay awad ḵan siya, maḵaan.

Mark 13:14

Pun pinagatupan Jesus woḵ ḵanana, “Nu ilanyu ḵaog-ogyate dumadaile sisiḵad si lugar we ippun oḵyan ḵaḻabbonganae inggaw, maawatan oḵyan da ambasa. Pun da inggaw atte probinsiya'd Judea, umawidda oḵyan atta bebbeleg.

Luke 19:26

“Ḵanan ni ari, ‘Annaya ibagaḵ ḵan diḵayu, ngaimane awad ḵan siya te mataḻgodan, ad-adu maatod ḵan siya. Yaḵon ngaimane adipun mataḻgodan, taḵon ay aḵite awad ḵan siya, maḵaan.

Luke 9:44

“Adiyu maliwatan da ibagaḵ ḵan diḵayu, saḵone Abeng Di Tagu, mipuḻangaḵ atta ḵabusuḻḵu si umali ye aḻgaw.”

John 15:2

Ḵaanona da pangae adipun amunga. Ḵad da amungae panga, daḻusana dida ta amo umadu ambubungada.

Acts 10:33

Sana gapunae impaayagḵu siḵae dagus, ḵad ambaḻu ta annae ummaliḵa. Pun sinsadi anna ḵani si sinagung Apudyus ta andongoḻ ḵani'tta losane imbilin Apu ḵan siḵae paibagana.”

Acts 17:11

Da annae Judyu amo nabaḻbaḻu ugalida nu da iThessalonica te sisinnoogonda Ugud Apudyus ḵad inaḻgawe adaadaḻonda ta panoḵnoḵanda nu tuttuwa da intuttudun Paul.

Romans 12:3

Sinsadi, gapu ta innatod Apudyus ḵaḻabbongaḵe an-apostol gapu'tte ḵinabaḻuna, bagbagaaḵ sin-ossaossa ḵan diḵayu ta adiyu somsomḵone nangatu long-agyu yaḵon ḵasapuḻane usigon ni sin-ossaossa long-agna mibatay si pammatinae innatod Apudyus.

1 Corinthians 14:37

Pun nu awad osa ḵan diḵayu'ḵ ḵananae naittan aḵ ḵabooḻane angipaigammu si pinion Apudyus baḵon nu awad ḵabooḻana'ḵ innatod ni Ispiritu Santu, ḵasapuḻane bigbigona annae insuḻatḵu ḵan diḵayu we imbilin Apu.

1 Corinthians 3:18

Ilanyu ta adiyu allelawon da long-agyu. Nu awad ḵananae nalaing si sanae timpu we nibatay atte ḵinalaing da adipun amati, ambalin oḵyan aḵ dong-og ta ambalin aḵ tuttuwae nalaing.

1 Corinthians 8:2

Sa tagu we ḵananae igammuna losan, sanat angipailae ippun igammuna'tta banage igammuwona oḵyan.

Philippians 3:4

Taḵon ay nu maḵwae antaḻgodaḵ atta sanae ḵoḵoḵḵon nu pioḵ. Ḵad taḵon ay os nu awad tagu'ḵ angibagae awad lasunnae antaḻgod atta sanae ḵoḵoḵḵona ya ambatayana si mataguwana'ḵ inggana, amo nadaldalluwaḵ.

Hebrews 2:1

Pun ḵasapuḻane amo popotpotan taḵu ḵatuttuwaane dingngoḻ taḵu ta adi taḵu iwaḻang pammati taḵu'tte ḵatuttuwaane isun ni bangkae umadayu'tte ustu we ayana.