Luke 8:1 - Sa Ugud Apudyus

¹ Unipun, nanggaḵay aḵ Jesus atta siyudad ḵan ili, iwwaḻagawagna Ambaḻu we Damag mipanggob si ampangatan Apudyus. Nibuḻun da nasawaḻan aḵ duwae disipuluna ḵan siya.

Luke 8:1 Iomraidhean Croise

Matthew 11:1

Ginangput ḵad Jesus binilin da nasawaḻan aḵ duwae disipuluna, ummoyon woḵ ummoy nantuttudu ya iwwaḻagawagna Ambaḻu we Damag atta adani ye ili.

Matthew 13:19

Da naottag atte daḻan, mipanida'tta tagu we dongngonda mipanggob si ampangatan Apudyus yaḵon adidapun maawatan. Ummoy aḵ Satan ya ḵinaanna'tte somsomoḵda da ugude dingngoḻda.

Matthew 4:23

Ginaḵay Jesus da losane ili'tte probinsiya'd Galilee woḵ nantuttudu'tta sinagogada. Iwwaḻagawagna Ambaḻu we Damag mipanggob si ampangatan Apudyus. Ḵinaanna da nankalakalasi ye saḵit ḵan ampaḵaḻaman da tagu.

Matthew 9:35

Ginaḵagaḵay Jesus da losane siyudad ḵan losane ili. Nantuttudu'tta sinagogada ya iwwaḻagawagna Ambaḻu we Damag mipanggob si ampangatan Apudyus ḵan ḵinaanna bos da losane kalasin di saḵit ya da ampaḵaḻaman da tagu.

Mark 1:39

Pun ummoyda nanggaḵay atta losane ili'tte probinsiya'd Galilee woḵ iwwaḻagawag Jesus Ambaḻu we Damag atta adu we sinagoga woḵ paḻyawona da aḻan atta naaḻanan.

Luke 1:80

Aḵ John ḵade abengna, dummaḵoḻ woḵ lummaing ya pummigsa pammatina. Inninggaw atte bumbummaaw inggana'ḵ dummatong tumoḵwaḻana ta antuttudu'tta ganaḵ Israel.

Luke 20:1

Sin-aḻgawan ḵad, nantuttudu'ḵ Jesus atte paway ni templo woḵ iwwaḻagawagna Ambaḻu we Damag. Pun ummoy ḵan siya da papangat da papadi, da mimistulun ni lintog ya da pallakayon da Judyu.

Luke 4:18

“Sa Ispiritu Santu anna ḵan saḵon, te dinutuḵanaḵ aḵ angiwaḻagawag atte Ambaḻu we Damag atta ḵapus ya atta baḻud Satan ta mapuḵayanda, ya diyatoḵ atan da naḵuḻap. Imbuunaḵ os ta puḵayaḵ da ampaḵapaḵaḻam

Luke 9:6

Pun nallibbat da disipuluna woḵ nanggaḵayda'tta losane ili ta iwaḻagawagda Ambaḻu we Damag ya ḵaanonda da saḵit.

Acts 10:38

Igammuyu we dinutuḵan Apudyus aḵ Jesus we iNazareth ya innatodna Ispiritu Santu ya sa ḵabooḻana ta dinumane ayana, ḵoona da ambaḻu ya ḵinaanna da ampaḵaḻaman da nampaḵapaḵaḻamon Satan te anna'ḵ Apudyus ḵan siya.

Acts 13:32

“Anna ḵani sina ta ibagani ḵan diḵayu Ambaḻu we Damag we inkarin Apudyus atta danaḵḵoḻ taḵu.

Romans 10:15

Ḵad ngai bos inon da tagu we umoy angiwaḻagawag nu naippun angibuun ḵan dida? Te ḵanan ni nigili ye Ugud Apudyus, “Ambaḻu ta anna da umali ye angiwaḻagawag si Ambaḻu we Damag!”