Luke 7:37 - Sa Ugud Apudyus

³⁷ Sa sadi ye ili inninggaw os bubai ye ḵabasbassuḻan. Dingngoḻna ḵade awad aḵ Jesus atte boḻoy ni Pharisee ye maḵaḵan, ummoy woḵ innaḻana bangbanglu we naigga si ban-oge angange alabaster.

Luke 7:37 Iomraidhean Croise

Matthew 21:31

Pun ḵanan Jesus, “Dinu'tta annae duwa nanuttuwa si pion amada?” Ḵananda, “Sa panguḻu.” Pun ḵanan Jesus ḵan dida, “Ibagaḵ ḵan diḵayu ḵatuttuwaan, sa ḵabasbassuḻane tagu we isun da andadagup atta bugis ya da puta, umun-unada nu diḵayu umoy si ampangatan Apudyus.

Luke 18:13

“Sa andadagup ḵad atta bugis, summiḵad atte battawa woḵ adipun nantangad ad langit te mabain atta basuḻna yaḵon ḵinabḵabna baḻuḵungna te nambabawi'tta basuḻna woḵ ḵanana, ‘Apudyus, ḵadaguwanaḵ ḵappose ḵabasbassuḻan.’ ”

Luke 19:7

Yaḵon da losane nangila ḵanandae singngongonot, “Ngaipa umoy pamangili si boḻoy ni andi ye ḵabasbassuḻan?”

Luke 5:30

Singngongonot da Pharisee ya da udume mimistulun ni lintog atta disipulun Jesus we ḵananda, “Ngaipa ḵayu maḵaḵan atta andadagup atta bugis ya da udume ḵabasbassuḻan?”

Luke 5:32

Te adiyaḵpun ummali ta ayagaḵ da naun-unane tagu yaḵon ummaliyaḵ ta ayagaḵ da ḵabasbassuḻan ta ambabawida'tta basuḻda ya agaydae angwa.”

Luke 7:34

Ḵan saḵone Abeng Di Tagu, ummaliyaḵ ḵade maḵainum ya maḵaḵan, ḵananyu, ‘Ilanyu, siya ḵad bartekero ya botaḵan! Maḵabuḻbuḻun atta andadagup atta bugis ya da udume ḵabasbassuḻan!’

Luke 7:36

Pune sadi, inninggaw Pharisee ye inayagana'ḵ Jesus aḵ angan. Pun ummoy aḵ Jesus si boḻoyda woḵ naḵatuḵdu ḵan dida.

John 11:2

Aḵ Mary ḵad, siya nangisig atte bangbanglu we lana'tte suḵin Jesus woḵ pinunasana bos si buuḵna.

John 9:24

Inayagan os da papangat da Judyu ḵasin sadi ye laḻaḵi woḵ ḵananda ḵan siya, “Andayawḵa ḵan Apudyus we ibagam ḵatuttuwaan. Te igammuni ye sa sadi ye Jesus ḵabasbassuḻan.”

John 9:31

Ḵad igammu taḵu we adimpun Apudyus dongngon da ḵabasbassuḻan yaḵon dongngona da angidayaw ḵan siya ya da angwa'tta piona.

Romans 5:8

Yaḵon aḵ Apudyus impailana amode ayatna ḵan ditaḵu si sissiyae ḵabasbassuḻan taḵu, natoy aḵ Kristu para ḵan ditaḵu.

1 Timothy 1:15

Sana tuttuwae tuttudu ya labbongnae patiyon da losane tagu: Ummali'ḵ Jesu Kristu atte lubung ta taguwona da ḵabasbassuḻan. Saḵon ḵapaatan ḵan dida.

1 Timothy 1:9

Annaya maawatan taḵu, daḵampun aḵ naḵwa lintog para'tta naun-unan yaḵon para'tta tagu, da adipun anuttuwa si lintog, da ippun pammatida ḵan Apudyus, da ḵabasbassuḻan, da adipun andaydayaw ḵan Apudyus ya da angang-angyag ḵan Apudyus. Da angongat atta amada ḵan inada. Da angongat atta asintataguda,

1 Peter 4:18

Ḵanan ni nigili ye Ugud Apudyus, “Nu ansigab mataguwan da naun-unane tagu, ngai ambanagan da ippun Apudyusda ya da ḵabasbassuḻan?”