Luke 7:19 - Sa Ugud Apudyus

¹⁹ woḵ imbuunna dida ḵan Jesus ta ḵanandae an-imus, “Siḵa ḵamman inkarin Apudyus we umali baḵon nu awad udum aḵ uwayonni?”

Luke 7:19 Iomraidhean Croise

Mark 6:7

Inayagana da nasawaḻan aḵ duwae disipuluna woḵ imbuunna dida sinindodwa. Innattana dida'ḵ ḵaḻabbongane amaḻyaw atta aḻan da naaḻanan,

Luke 10:1

Nagangput ḵad, pinilin Jesus da pitumpuḻu ya duwa'tta udume disipuluna. Sinindodwana dida imbuun ta umoyda umuna antuttudu'tta ili ye ayana.

Luke 11:1

Sin-aḻgawan ḵad, alluwaluwaḻu'ḵ Jesus atte osae lugar. Nagangput ḵad, ḵanan ni osa'tta disipuluna ḵan siya, “Apu, tuttuduwam ud diḵani ye alluwaḻu we isun ni nantututtudun John we Ambobonyag atta disipuluna.”

Luke 11:39

Pun ḵanan Jesus ḵan siya, “Ḵaddagu ḵayu, diḵayu we Pharisee. Ḵapappaila ḵayu! Iissuyu tagu we ḵiwasanae abus labaw ni tasa ya sa palatu! Yaḵon ad daḻom atta somsomoḵyu, amod ḵamommodyu ḵan lawwelawweng ḵayu.

Luke 12:42

Summongbat aḵ Jesus woḵ ḵananae nangipani, “Sa mataḻgodan ḵan nalainge sammilu, siya dinutuḵan ni apuna'ḵ angayyuwan atta doganae sammilu. Siya angitod si ḵanon da buḻunna si ustu we timpu.

Luke 13:15

Summongbat aḵ Jesus woḵ ḵanana, “Diḵayu we ḵapappailae anuttuwa ḵan Apudyus, adiyupun ḵamman umoy uḵasan baḵa baḵon nu donkeyyu ya ummoyyu pinainuman atte umillongan?

Luke 17:5

Pun ḵanan da apostol ḵan siya, “Apu, papigsaom ḵappos da pammatini.”

Luke 17:6

Pun ḵanana, “Nu awad aḵit aḵ pammatiyu'ḵ isun ni ḵapeet ni buḵoḻ ni mustasa, maḵwae ḵananyu si annae daḵoḻe ḵayu, ‘Mabagutḵa ya nimuḻaḵa si baybay’ woḵ tuttuwaona.”

Luke 18:6

Pun ḵanan Jesus, “Dongngonyu imbagan ni ḵuwis atte baḻu.

Luke 19:8

Pun tummaḵdog aḵ Zacchaeus woḵ ḵanana ḵan Apu Jesus, “Apu, ittoḵ gogwan da ḵuḵuwaḵ atta ḵapus. Nu awad tagu'ḵ nan-igabaḵ, ipauliḵ aḵ angimpat ḵan siya ḵaadun ni inigabḵu.”

Luke 22:61

Pun natanawili'ḵ Apu Jesus we nangimumuskoḻ ḵan Peter woḵ inḵagasmoḵna imbagan Apu ḵan siyae ḵanana, “Daampun anullaḵuḵ ḵawitan si labi'ḵ uni, amiḵluwom saḵon puḵlitan.”

Luke 24:34

woḵ ḵananda, “Tuttuwae natagu'ḵ Apu woḵ nampaila ḵan Simon!”

Luke 7:13

Aḵ Jesus ḵad si innilana baḻu, amod de daguna woḵ ḵanana ḵan siya, “Agaynu we umibil.”

Luke 7:20

Dummatongda ḵad si igaw Jesus, ḵananda, “Imbuun diḵani ḵan John we Ambobonyag ḵan siḵa'ḵ an-imus nu siḵa inkarin Apudyus we umali baḵon nu awad osa'ḵ mauway.”

John 11:2

Aḵ Mary ḵad, siya nangisig atte bangbanglu we lana'tte suḵin Jesus woḵ pinunasana bos si buuḵna.

John 4:1

Da Pharisee ḵad, dingngoḻdae naadu da inawis ḵan binonyagan Jesus we disipulu nu aḵ John. Inigammun Jesus we dingngoḻ da Pharisee anna.

John 4:25

Pun ḵanan ni bubai, “Igammuḵe dumatong Messiah we awaganda'ḵ Kristu ḵad nu umali ipaigammuna ḵan ditaḵu da ngaiman.”

John 6:23

Pune sadi, dummatong da udume bangkae naḻpu'd Tiberias woḵ dummaḵaḻda'tte adani si nanganan da tagu'tte tinapay si nanggappiyaan Jesus ḵan Apudyus.

Revelation 11:3

Ḵad ittoḵ ḵaḻabbongan atta duwae anaḵdoḻ ḵan saḵon ḵad angipadtuda'tta ipaigammuḵ ḵan dida si unog di sillibu ya duwanggasut ya onompuḻu we aḻgaw. Ansisillupda'ḵ saḵu.”