Luke 7:14 - Sa Ugud Apudyus

¹⁴ Nangwa ḵad, ummoyna innonnan lungun ta guminoḵdae anaddaḻan woḵ ḵanana'tte natoy, “Babaḻu bumangonḵa!”

Luke 7:14 Iomraidhean Croise

Mark 5:41

Pune sadi, innonnana imana woḵ ḵanana'tte ugudda, “Talitha koum.” Sa piona ugudon, “Babaḻasang, bumangonḵa.”

Luke 7:13

Aḵ Jesus ḵad si innilana baḻu, amod de daguna woḵ ḵanana ḵan siya, “Agaynu we umibil.”

Luke 7:15

Pun sa sadi ye natoy, natanuḵdu woḵ gumminga. Ḵanan Jesus atte inana, “Anna abengnu.”

Luke 7:17

Unipun, nandinongoḻ ugud mipanggob atta ḵingwan Jesus atte probinsiya'd Judea ya da losane nampaliḵwose ili.

John 11:25

Ḵanan Jesus, “Saḵon anagu ḵasin atta natoy ya angitod atte biyag aḵ inggana. Ḵad ngaimane amati ḵan saḵon, taḵon ay nu matoy, matagu'ḵ inggana.

John 5:21

Te nu tinagun Amaḵ da natoy ya ittana dida si biyag, taguwoḵ ose Abengna ya ittaḵ os si biyag da pioḵ.

John 5:25

Ibagaḵ ḵan diḵayu ḵatuttuwaan, dummatong timpu we dongngon da natoy gingan ni Abeng Apudyus, ḵad da andongoḻ ya amati mataguda'ḵ inggana.

Romans 4:17

Ḵanan ni nigili ye Ugud Apudyus, “Nambalinoḵ siḵa'ḵ aman da adu we ili.” Siya ama taḵu si antotollong Apudyus we pinatin Abraham, siya maḵabooḻe anagu'tta natoy ḵan angwa'tta banage naippun.