Luke 6:27 - Sa Ugud Apudyus

²⁷ Pinagatupan Jesus woḵ ḵanana, “Yaḵon ibagaḵ ḵan diḵayu we andongoḻ. Pagatupanyu ayaton da ḵabusuḻyu ya pagatupanyu ḵoon da ambaḻu'tta tagu we anasanga ḵan diḵayu.

Luke 6:27 Iomraidhean Croise

Mark 4:24

Ḵanan os Jesus, “Imuḻayu'tta pusuyu da annae ibagaḵ. Te nu ḵoonyu ḵaḵnat, amo maawatanyu ya amo dog-an Apudyus igammuyu.

Luke 23:34

Pun ḵanan Jesus, “Ama, pakawanom dida te ippun igammuda'tte ḵoonda.” Da suḻdadu ḵad, nambubbunutda woḵ nambisbisaḵanda silupna.

Luke 6:22

Pian ḵayu nu sasangngaan diḵayu'tta tagu, ya nu laḵsigonda diḵayu, potogonda diḵayu, ya am-amsewonda diḵayu gapu'tte pammatiyu ḵan saḵone Abeng Di Tagu.

Luke 6:35

Yaḵon ayatonyu da ḵabusuḻyu ya ḵoonyu da ambaḻu ḵan dida, ḵad pagawatanyu dida taḵon ay nu adiyupun namnamaone ipaulida. Nu ḵoonyu ḵaḵna, daḵoḻ gungunayu ya miyiyap ḵayu'tta abeng ni Ḵangatuwane Apudyus. Te aḵ Apudyus, an-anggom atta lawweng ya da adipun antawili.

Luke 8:15

Da naottag ḵad atte alluta, isuda da tagu we andongoḻ si Ugud Apudyus, pinagatupandae namati ḵan ampoḻḵapoḻḵas da somsomoḵda, anusanda inggana'ḵ angwada'tta adu we ambaḻu we banage mas-oman Apudyus we isun ni muḻae adu ambubungana.”

Luke 8:18

“Gapu'tte sadi, sisinnoogonyu da annae ibagaḵ. Te sa anuttuwa si dingngoḻna, amo madog-an an-aawatna. Yaḵon sa tagu we adinapun ḵoon dingngoḻna, taḵon ay aḵite ḵananae awad ḵan siya, maḵaan.”

Luke 8:8

Da udum ḵade buḵoḻ naottagda'tte alluta. Tummubuda woḵ namungada, da udum namungada'ḵ singgagasut.” Ginangput ḵad Jesus inug-uggud annae pani, ḵanana'tta tagu, “Diḵayu we andodongngoḻ, sosomḵonyu da dingngoḻyu.”

Acts 10:38

Igammuyu we dinutuḵan Apudyus aḵ Jesus we iNazareth ya innatodna Ispiritu Santu ya sa ḵabooḻana ta dinumane ayana, ḵoona da ambaḻu ya ḵinaanna da ampaḵaḻaman da nampaḵapaḵaḻamon Satan te anna'ḵ Apudyus ḵan siya.

Acts 16:28

Yaḵon nambogga'ḵ Paul woḵ ḵanana, “Adim gongaton long-agnu te wadawad ḵani!”

Acts 7:60

Pun nanalluḵu woḵ ḵananae nangiyipḵaw, “Apu, adim oḵyan ipabasuḻ ḵan dida annae ḵingwada ḵan saḵon.” Ginangputna ḵad imbaga sana, natoy.

Galatians 6:10

Pun nu mawayaan taḵu pagatupan taḵu we angwa si ambaḻu'tta losane tagu, amod ay da susunud taḵu we namati.

1 Thessalonians 5:15

Ilanyu bos ta sa lawweng, adi oḵyan masubbat os atte lawwenge maḵwa. Yaḵon pasig oḵyan ambaḻu da ḵoonyu'tta buḻunyu we namati ya da losane tagu.

3 John 1:11

Ay-ayatoḵe buḻbuḻun, adim unudon da angwa'tta lawweng yaḵon unudom da angwa'tta ambaḻu. Te da angwa'tta ambaḻu, dida da abeng Apudyus yaḵon da angwa'tta lawweng ippun igammuda ḵan Apudyus.