Luke 6:23 - Sa Ugud Apudyus

²³ Anggangganas ḵayu ya ampaypaytuḵ ḵayu'tte layadyu te sosomḵonyu we daḵoḻ gungunayu'd langit. Te da sadi ye ḵingwada iissuna da ḵingwan da danaḵḵoḻda'tta profeta si awe.

Luke 6:23 Iomraidhean Croise

Matthew 5:12

Amo allaylayad ḵayu te daḵodaḵoḻ gungunayu'd langit. Te da sadi ye ḵoonda iissuna da ḵingwan da tagu we namaḵapaḵaḻam atta profeta si awe.”

Luke 1:41

Dingngoḻ ḵad Elizabeth gingan Mary, nanggidu abeng atte buwangna. Pun ummoy ḵabooḻan ni Ispiritu Santu ḵan Elizabeth

Luke 1:44

Annaya gapunae inigammuḵe siḵa inan ni Apuḵ. Gummingaḵa ḵad ay, nanggidu abeng atte buwangḵu si layadna!

Luke 6:35

Yaḵon ayatonyu da ḵabusuḻyu ya ḵoonyu da ambaḻu ḵan dida, ḵad pagawatanyu dida taḵon ay nu adiyupun namnamaone ipaulida. Nu ḵoonyu ḵaḵna, daḵoḻ gungunayu ya miyiyap ḵayu'tta abeng ni Ḵangatuwane Apudyus. Te aḵ Apudyus, an-anggom atta lawweng ya da adipun antawili.

Acts 14:10

Indangsoḻ Paul woḵ ḵanana, “Tumaḵdogḵa!” Pun natanaḵdog woḵ nanaddaḻan.

Acts 3:8

Pune sadi nasaniḵad woḵ nanaddaḻan. Pun nibuḻun ḵan da Peter ḵan John we ummoy si paway ni templo woḵ nanadtaddaḻan ḵan nampaypaytuḵe nandaydayaw ḵan Apudyus.

Acts 5:41

Tinenan ḵad da apostol da ḵuḵunsisaḻ, amod de layadda te imbelang Apudyus didae labbongdae mapaḵaḻam ḵan mibabbain gapu ḵan Jesus.

Romans 5:3

Daḵampun aḵ abus da sadi'ḵ allaylaydan taḵu yaḵon allaylayad taḵu'tta ampaḵaḻaman taḵu te igammu taḵu we sa ampaḵaḻaman siya ibungana ḵan ditaḵu ḵinaattom.

2 Corinthians 12:10

Gapu ḵan Kristu, mat-opaḵ atta ḵinaḵuyaḵ, nan-ugudanda saḵon aḵ lawweng, ampaḵaḻamaḵ, ampaḵaḻamonaḵ ya napadasḵu da udume ḵaog-ogyate naḵwa. Te nu ḵumuyaaḵ, amo paḵosdoḻon Kristu saḵon.

Colossians 1:24

Sinsadi allaylayadaḵ atta ampaḵaḻamaḵ te igammuḵe bumaḻuwanyu te da sanae ampaḵaḻamaḵ dogan ni ampaḵaḻamane nilaḵ-am Kristu para'tta losane namati ye isun di long-agna.

2 Timothy 2:12

Nu inaattoman taḵu ampaḵaḻaman, midoga taḵu bos ḵan siya si ampangatana, yaḵon nu puḵlitan taḵu, puḵlitana bos ditaḵu.

Hebrews 11:26

Imbelangnae napatpatog aḵ adayu ampaḵaḻam gapu ḵan Kristu nu sa losane ḵinabaḵnang ad Egypt te siya sosomḵona gunguna si umali ye aḻgaw.

Hebrews 11:6

Ḵad nu ippun pammatin ni osae tagu, adipun paat mas-om aḵ Apudyus ḵan siya. Te ngaimane umadani ḵan Apudyus, ḵasapuḻane patiyonae gungunaana da angngit ḵan siya.

James 1:2

Susunudḵu ḵan Kristu, ibelangyu we allaylayad ḵayu nu mapadasyu da nansabasabali ye padas atte biyagyu,

1 Peter 4:13

Yaḵon allaylayad ḵayu oḵyan nu ampaḵaḻam ḵayu we isun ni ampaḵaḻaman Kristu ta amod de layadyu si mipail-an ni sumilisilinge ḵinaapudyusna.

Revelation 2:17

“ ‘Diḵayu we naingaan, andongoḻ ḵayu si ibagan ni Ispiritu Santu atta gimung da namati. Da tagu we angngog si lawweng, ittaḵ dida si nitataḻu we maḵane ngannonda manna. Ittaḵ os sin-ossa ḵan dida'tte itaḵe batu we sa nigiliyan ni baru we ngadane naippun osa'ḵ angigammu si sadi ye ngadan nu adi sa tagu we maittana.’ ”

Revelation 2:26

Da tagu we angngog atte lawweng ya pagapagatupandae angwa'tta pinioḵ aḵ inggana si anungus ni biyagda, ittoḵ ḵan dida ḵaḻabbongane midoga ḵan saḵone ampangat atta ḵinailin di ili

Revelation 2:7

“ ‘Diḵayu we naingaan, andongoḻ ḵayu si ibagan ni Ispiritu Santu atta gimung da namati. Da tagu we angngog atta losane kalasin di lawweng, ittoḵ ḵan dida ḵaḻabbongane angan atte bungan ni ḵayu we angitod si biyage awad si igaw Apudyus ad langit.’ ”

Revelation 21:7

Sa tagu ḵade oḻgona lawweng, allaḵsunna da anna losan. Bigbigona saḵon aḵ Apudyusna ya bigbigoḵ ose abengḵu.

Revelation 3:12

Sa tagu we oḻgona lawweng, ambalinoḵ aḵ aliḵin ni templo we boḻoy Apudyus ḵad adipun paat magitot aḵ inggana. Maḻḵaaḵ os si ngadan Apudyus we Apuḵ ya sa ngadan ni siyudadna, sa baru we Jerusalem we dumoḻae maḻpu ḵan siya'd langit. Maḻḵaaḵ os atte baru we ngadanḵu.

Revelation 3:5

Da tagu we angngog atte lawweng, ansilupda si itaḵ ya adiḵpun paat ḵaanon ngadanda si iblu we nigiliyan da ngadan da awad de biyagda'ḵ inggana. Ibabaggaḵ si sinagung Amaḵ ya da anghelnae dida da taguḵ.