Luke 5:8 - Sa Ugud Apudyus

⁸ Innilan ḵad Simon Peter naḵwa, nanalluḵu'tte sinagung Jesus woḵ ḵanana, “Apu tenam saḵon te ḵabasbassuḻanaḵ!”

Luke 5:8 Iomraidhean Croise

Matthew 17:6

Dingngoḻ ḵad da disipulu sadi ye ginga, nalluḵbubda si luta te ummamdan ḵimutda.

Matthew 2:11

Dummatongda ḵad atte boḻoy, nillumnoḵda woḵ innilada abeng ya aḵ Mary ye inana. Nanalluḵuda ta andayawda ḵan siya. Pun binuḵtanda da iiggaan da ampapatoge atodda woḵ innatodda ḵan siya buḻawan, sa ambangu we incenso we ngannonda frankincense ya sa ampatoge lanae ngannonda myrrh.

Matthew 8:8

Yaḵon ḵanan ni kapitan, “Apu, gapu ta ampatopatogḵa naippun labbongḵu we ammangili ḵan siḵa'tte boḻoyni. Igammuḵe taḵon ay nu adiḵa umoy si boḻoyḵu ya abuse ibagam, ḵumosdoḻ sammiluḵ.

Luke 5:7

Gapu'tte sadi, nampaypayda'tta buḻundae inninggaw si osae bangka ta umoyda badangan dida. Dummatongda ḵad, binutbutda da tabuḵuḻ woḵ pinnuda duwae bangka'tta ugadiw woḵ tigangayda milisob.

Luke 5:9

Inugudna ḵaḵna te nataag da Simon ya da buḻunna'tte amod innaḻadae ugadiw.

John 11:32

Dummatong ḵad aḵ Mary si igaw Jesus, nanalluḵu si sinagungna woḵ ḵanana, “Apu, nu inninggawḵa sina, adipun oḵyan sunudḵu natoy.”

1 Corinthians 13:12

Isuna ḵan ditaḵu we namati te sa antotollong taḵu ḵan Apudyus sinsana an-ugabbae isun di alladawan si an-ugabbae ladawan. Yaḵon sa umali ye timpu ilan taḵu we mismu. Sinsana aḵit igammu taḵu ḵan siya yaḵon sa umali ye timpu igammuwon taḵu losan mipanggob ḵan siyae isun ni nangigammuwana mipanggob ḵan ditaḵu.

Revelation 1:17

Sa nangil-aḵ ḵan siya nisubuḵaḵ atte sinagungnae isun di natoy. Yaḵon inappadana saḵon si madawinane imana woḵ ḵanana, “Adiḵa maḵimut te saḵon ummuna ḵan anguddidi,