Luke 5:29 - Sa Ugud Apudyus

²⁹ Pun minangilin Levi da Jesus atte boḻoyna. Inninggaw da adu we andadagup atta bugis ya da udume tagu we naḵaḵan ḵan dida.

Luke 5:29 Iomraidhean Croise

Matthew 11:19

Ḵan saḵone Abeng Di Tagu, ummaliyaḵ ḵade maḵainum ya maḵaḵan, ḵananyu, ‘Ilanyu, siya ḵad bartekero ya botaḵan! Maḵabuḻbuḻun atta andadagup atta bugis ya da udume ḵabasbassuḻan.’ Yaḵon ilanyu ḵad, mipailae ustu ḵinalaing Apudyus atta biyag da losane angunud atte ḵinalaingna.”

Matthew 5:46

Te nu abus aḵ ayatonyu da tagu we angayat ḵan diḵayu, gungunaan ḵad ain Apudyus diḵayu? Naid te taḵon ay da andadagup atta bugis ḵoonda bos ḵaḵna.

Matthew 9:10

Nanḵaḵaḵan ḵad da Jesus ya da disipuluna'ḵ ḵuwan da Matthew, naḵaḵan ḵan dida da adu we andadagup atta bugis ya da udume ḵabasbassuḻan.

Matthew 9:9

Unipun atte ummoyon aḵ Jesus, innilana osae andadagup atta bugise nangngadan aḵ Matthew we tutuḵdu'tte opisinan da andadagup atta bugis. Ḵanana ḵan siya, “Tun-udonaḵ ta ambalinoḵ siḵa'ḵ disipuluḵ.” Lummibbat ay aḵ Matthew woḵ nitun-ud ḵan siya.

Mark 2:15

Nanḵaḵaḵan ḵad da Jesus ya da disipuluna'ḵ ḵuwan da Levi, naḵaḵan ḵan dida da adu we andadagup atta bugis ya da udume ḵabasbassuḻan te adu da nituntun-ud.

Luke 15:1

Adu da andadagup atta bugis ya da ḵabasbassuḻane ummoy nandongoḻ si tuttudun Jesus.

John 12:2

Pun minangilida dida woḵ nallusnu'ḵ Martha. Aḵ Lazarus ḵad, nidoga ḵan da Jesus atte ḵaḵaḵḵanan.

1 Corinthians 10:27

Nu ayagan diḵayu'tta daḵampun aḵ namati'ḵ maḵaḵan, inḵayu nu pionyu. Ḵad losane ilusnuda, ḵanonyu we adiyu im-imuson gapu'tta somsomoḵyu.