Luke 5:21 - Sa Ugud Apudyus

²¹ Gapu'tte sadi ye imbagana, ḵanan da Pharisee ya da mimistulun ni lintog atta somsomoḵda, “Ngaipana ugudon ḵaḵnat? Itaḻayagna long-agnae miyisu ḵan Apudyus we abus aḵ anna ḵaḻabbonganae amakawan atta basuḻ.”

Luke 5:21 Iomraidhean Croise

Matthew 26:65

Dingngoḻ ḵad ay ni ḵangatuwane padi imbagana, pinissayna silupna te summanga. Ḵanana, “Iyisuna long-agna ḵan Apudyus! Pun ngaipa taḵu ḵasapuḻan da udum aḵ anaḵdoḻ? Dingngoḻ taḵu da lawwenge imbagana.

Matthew 9:3

Nangwa ḵad da udume mimistulun ni lintog, ḵananda'tta somsomoḵda, “Ngaipana ugudon ḵaḵnat? Itaḻayagna long-agnae miyisu ḵan Apudyus!”

Luke 3:8

Adipun paat maḵwa te ḵasapuḻane ḵoonyu da losan ta ipailayu we tuttuwae imbabawiyu da basuḻyu ya iyyagayyu we nangwa. Ḵad adiyu pay maag ḵanane miligsi ḵayu te aḵ Abraham daḵdaḵoḻyu. Annaya ibagaḵ ḵan diḵayu te aḵ Apudyus maḵwae ambalinona da annae batu'ḵ ganaḵ Abraham!

Luke 5:17

Sin-aḻgawan ḵad, nantuttudu'ḵ Jesus si boḻoy. Atuḵtuḵdu sidi da Pharisee ya da mimistulun ni lintog. Naḻpuda'tta losane ili'tte probinsiya'd Galilee ya sa probinsiya'd Judea, nidoga'd Jerusalem. Iinggaw ḵabooḻan Apudyus ḵan Jesus ta lamogna ḵaanon da saḵit.

Luke 5:22

Aḵ Jesus ḵad, inigammuna somsomoḵda pun ḵanana ḵan dida, “Ngaipa ḵaḵnat somsomoḵyu?

Luke 7:49

Da udum ḵade naḵaḵan, ḵananda'tte sin-ossaossa ḵan dida, “Ngai annae tagu? Sa somsomoḵna ḵamman, pakawanona da basuḻ?”

John 10:33

Ḵanan da Judyu we summongbat, “Daḵampun atta ambaḻu we ḵingwam amatuwanni ḵan siḵa nu adi sa nangiyisuwam si long-agnu ḵan Apudyus te taguḵae abus ya nambalinom long-agnu'ḵ Apudyus.”

Romans 8:33

Ngai ḵad ain ḵallamog angidaḻum atta pinilin Apudyus? Naippun te aḵ Apudyus we mismu nangwa ḵan ditaḵu'ḵ naun-unan.