Luke 4:7 - Sa Ugud Apudyus

⁷ Nu andayawḵa ḵan saḵon, anḵuwam da losan.”

Luke 4:7 Iomraidhean Croise

Matthew 2:11

Dummatongda ḵad atte boḻoy, nillumnoḵda woḵ innilada abeng ya aḵ Mary ye inana. Nanalluḵuda ta andayawda ḵan siya. Pun binuḵtanda da iiggaan da ampapatoge atodda woḵ innatodda ḵan siya buḻawan, sa ambangu we incenso we ngannonda frankincense ya sa ampatoge lanae ngannonda myrrh.

Luke 17:16

Nanalluḵu'tte sinagung Jesus woḵ nanggappiya. ISamaria sanae laḻaḵi.

Luke 4:6

woḵ ḵanana, “Siḵa angittaḵ atte ḵaḻabbongane angipangat ḵan dida ta anḵuwam da losane binaḵnangda. Te saḵon naattanda, ḵad ittoḵ si ngaimane pioḵ angittan.

Luke 4:8

Ḵanan Jesus, “Adiḵpun te ḵanan ni nigili ye Ugud Apudyus, “ ‘Sa Apu we Apudyusnu, siya abus aḵ dayawom ḵan anserbiyam.’ ”

Luke 8:28

Ampaḵapaḵaḻamon da aḻan ya taḵon ay nu naguwaḻdaan ḵan naḵawadan da imana ya da suḵina, gosatona. Pinaawid os da aḻan atte bumbummaaw. Pun innilana ḵad aḵ Jesus, napapḵaaw woḵ nanalluḵu ḵan siya. Ḵananae nangidangsoḻ, “Anii! Ngaipaḵa umali ḵan saḵon? Siḵa'ḵ Jesus we Abeng ni Ḵangatuwane Apudyus. Ḵadaguwanaḵ ḵappos ta adim saḵon dusaon!” Te innilan ḵad Jesus, binilinna da aḻan ta lumawada.

Revelation 22:8

Saḵon aḵ John we nangngoḻ ya nangitollong atta annae nigili. Sa nangngoḻaḵ ḵan nangitollongaḵ, nanalluḵuwaḵ atte sinagung ni anghel we sa nangipaila ḵan saḵon ta andayawaḵ oḵyan ḵan siya.

Revelation 4:10

Ḵad umoy da duwampuḻu ya opate angipangpangu analluḵu si sinagung ni tutuḵdu si trono we sa matattagu'ḵ inggana ya andaydayawda bos ḵan siya. Ḵad ibadongda bos da koronada'tte sinagungna ya ḵanandae angiḵanḵanta,

Revelation 5:8

Innaḻana ḵad naḻuḵube ḵopel, ummoy losan da opate ḵingwam ya da duwampuḻu ya opate angipangpangu we nanalluḵu si sinagung ni Ubbu we Karnero. Sin-ossaossa ḵan dida nangdon aḵ arpae sa usarondae andayaw ya sa buḻawane maḻuḵunge napnu'tte incenso we luwaḻun da tagun Apudyus.