Luke 4:34 - Sa Ugud Apudyus

³⁴ “Anii! Jesus we iNazareth, ngaipaḵa umali ḵan diḵani? Ummaliḵa ḵamman ta dadailom diḵani? Igammuḵe siḵa Nasantuwane imbuun Apudyus.”

Luke 4:34 Iomraidhean Croise

Matthew 8:29

Inadanida ḵad aḵ Jesus, napapḵaawda woḵ ḵananda ḵan siya, “Siḵae Abeng Apudyus, Anii! Ngaipaḵa umali ḵan diḵani? Ummaliḵa ḵamman sina ta inḵa diḵani dusaon si daampun dumatong ustu we timpu?”

Mark 1:24

“Anii! Jesus we iNazareth, ngaipaḵa umali ḵan diḵani? Ummaliḵa ḵamman ta dadailom diḵani? Igammuḵe siḵa Nasantuwane imbuun Apudyus.”

Mark 1:34

Pun ḵinaanna da losane kalasin da saḵitda ya pinaḻyawna bos da aḻan atta naaḻanan yaḵon pinaginoḵna didae an-ugud te inigammuda'ḵ Jesus.

Mark 5:7

Pun ḵananae napapḵaaw, “Anii! Ngaipaḵa umali ḵan saḵon? Siḵa'ḵ Jesus we Abeng ni Ḵangatuwane Apudyus! Ibagam ḵappos ḵan Apudyus ta adina saḵon dusaon!”

Luke 1:35

Ḵanan ni anghel, “Umali Ispiritu Santu ḵan siḵa ḵad mabugiḵa gapu si ḵabooḻan ni Ḵangatuwane Apudyus. Ḵade sadi mibuḵnag ngannonda nasantuwane Abeng Apudyus.

Luke 4:33

Pune sadi, inninggaw atte sinagoga laḻaḵi ye naaḻanan woḵ ḵananae nambogbogga,

Luke 4:41

Pinaḻyawna bos da aḻan atta adu we naaḻanan. Lummawada ḵad, ḵanandae simbobogga, “Siḵa Abeng Apudyus!” Sinang-an Jesus dida woḵ adinapun dida iyyunude an-uguugud te iniiggammudae siya Kristu.

Luke 8:28

Ampaḵapaḵaḻamon da aḻan ya taḵon ay nu naguwaḻdaan ḵan naḵawadan da imana ya da suḵina, gosatona. Pinaawid os da aḻan atte bumbummaaw. Pun innilana ḵad aḵ Jesus, napapḵaaw woḵ nanalluḵu ḵan siya. Ḵananae nangidangsoḻ, “Anii! Ngaipaḵa umali ḵan saḵon? Siḵa'ḵ Jesus we Abeng ni Ḵangatuwane Apudyus. Ḵadaguwanaḵ ḵappos ta adim saḵon dusaon!” Te innilan ḵad Jesus, binilinna da aḻan ta lumawada.

Luke 8:37

Ḵad da losane naḻpu si saḵubna'd Gerasa, nandagdaguda ḵan Jesus ta tenana ilida te naḵimtanda. Pun nambangka da Jesus ya da disipulunae naḵasaganae umoyon.

Acts 16:39

Pun ummoyda si babaḻḻudan woḵ nampakawanda ḵan dida. Pun illawada dida woḵ ḵindawdae tenanda sadi ye siyudad.

Acts 2:27

Te adimpun iwaḻang ḵalidodwaḵ ad Hades we igaw da natoy. Ḵad adimpun os iyunud loposon long-ag ni mismu we sammilum.

Acts 3:14

Yaḵon indiyanyu gattoḵe abus aḵ nasantuwan ya naun-unan woḵ siya ḵindawyu ḵan Pilate we puḵayana pumappatoy.

Acts 4:27

Sadi imbagan Ari David te da Herod ḵan Pontius Pilate ya da Gentil ya da ganaḵ Israel nadagupda'd Jerusalem ta antutuḻagdae gongatonda'ḵ Jesus we nasantuwane sammilume dinutuḵam.

Hebrews 2:14

Gapu ta tagu da annae abeng Apudyus we maḵwae matoy, nambalin aḵ Jesus aḵ tagu we isuda. Ḵingwana sana ta mipagapu si matoyana, oḻgona'ḵ Satan we anna ḵabooḻana si ḵatoy

James 2:19

Patiyom ḵammane os-ossaan Apudyus? Sanat ambaḻubaḻu! Yaḵon taḵon ay da aḻan, amatida bos ya amilpilda'tte ogyatda.

1 John 3:8

Ḵad sa pagapagatupanae bumasubasuḻ, nidoga ḵan Satan te aḵ Satan ḵad bummasuḻ inggan ni laplapu. Pun siya gapun ni ummaliyan ni Abeng Apudyus sina'd luta ta dadailona da ḵoon Satan.

Revelation 20:2

Pun dinoḵmaana dragone sa nampailae isun di uḻog atte awe ya sa nangngadan os aḵ Satan. Ḵinawadana woḵ imballuna'tte abute ippun patinggan ni ḵaadaḻomna. Naabus ḵad, intuḻbiḵna sawangna ya pinaḵotana'tte maḻḵa ta sinyale adipun maḵwae mabuḵtan ta ippun ogon inonae angallelaw atta tagu'tta ḵinailin di ili inggana'ḵ magangput sillibu we tawon. Maabus ḵad, ḵasapuḻane mapuḵayan ḵasin yaḵon abuse sin-aḵitan.

Revelation 3:7

Ḵanana bos, “Annaya isuḻatnu'tte anghel we angayyuwan atta namati ye magimugimung ad Philadelphia, ‘Saḵon abus aḵ gattoḵe nasantuwan ḵan ḵatuttuwaan. Saḵon aangdon si tuḻbiḵ Ari David we piona ḵanan, sa ḵaḻabbongan atte ampangatan Apudyus. Ngaimane iyunudḵu we lumnoḵ atte ampangataḵ, naippun maḵatupod. Ḵad ngaimane adiḵpun iyunud, tuttuwae adipun maḵaḻnoḵ! Annaya ibagaḵ ḵan diḵayu.