Luke 4:32 - Sa Ugud Apudyus

³² Pun nataagda'tte inonae nantuttudu te nan-ugude anna ḵaḻabbongana.

Luke 4:32 Iomraidhean Croise

Mark 1:22

Pun nataag da tagu'tte inonae nantuttudu te nantuttudu ḵan didae isun ni osae anna ḵaḻabbongana ya daḵampun aḵ isun da mimistulun ni lintog.

Luke 2:47

Da losane nandongoḻ ḵan siya, nataagda'tte laingna ya da isongbatna.

Luke 4:33

Pune sadi, inninggaw atte sinagoga laḻaḵi ye naaḻanan woḵ ḵananae nambogbogga,

Luke 4:36

Sana nataagan da tagu woḵ ḵananda, “Atopay! Ngai nangaḻ-ana'tta ugudona? Annat ḵan siya ḵaḻabbongan ḵan ḵabooḻane amaḻyaw atta aḻane ḵanana, ‘Ḵumassad ḵayu,’ woḵ lummawada.”

John 6:63

Sa angitod atte biyag, sa Ispiritu Santu. Naippun lamog ni long-ag itton. Ḵad da inugudḵu ḵan diḵayu, naḻpuda'tte Ispiritu ḵad siya angitod si biyag aḵ inggana.

John 7:46

Ḵanan da guwaḻda, “Adinipun te naippun paat miyisu'tte an-uugudnae ambaḻubaḻu!”

2 Corinthians 4:2

Nan-awidanni da losane ḵoḵoḵḵon da tagu we nililimod ḵan ḵababbain ya ippun inallelawni. Adinipun imbos Ugud Apudyus. Yaḵon atte sinagung Apudyus impaḵaawatni'tta losane tagu da losane ḵatuttuwaan te pionni ye igammuwonda'tta somsomoḵdae ambaḻu ḵewaaḻni.

1 Thessalonians 1:5

Te indatongni ḵad ḵan diḵayu Ambaḻu we Damag, daḵampun aḵ abuse ugud yaḵon nidoga bos ḵabooḻan ni Ispiritu Santu ḵan napanoḵnoḵane ḵatuttuwaan Ugud Apudyus. Igammuyu bos nantataguni si inninggawanni ḵan diḵayu sinat ḵan inonni ye bummadang ḵan diḵayu sinat.

Titus 2:15

Sana da ituttudum atta tagu sinat, dam-om dida bagbagaan ya suppaḵam nu awad lawweng aḵ ḵoonda. Sa angwaam atta sadi, ipailam da losane ḵaḻabbongam ta adida siḵa potogon.