Luke 3:22 - Sa Ugud Apudyus

²² Pun dummoḻa Ispiritu Santu we isunan kalapati woḵ nansap-oy ḵan siya. Ḵanan ni gingae naḻpu'd langit, “Siḵa Abengḵu we ay-ayatoḵ ya masmas-omaḵ ḵan siḵa.”

Luke 3:22 Iomraidhean Croise

Matthew 12:18

“Annaya sammiluḵe piniliḵ. Siya ay-ayatoḵ ḵan mas-omaḵ. Ibuunḵu Ispirituḵ ḵan siya ta iwaḻagawagna'tta losane Gentil inon da tagu we maun-unan atte antotollong Apudyus.

Matthew 17:5

Sissiya ḵade an-uguugud, baag-en nalibuuwanda si ampaddapadda woḵ dingngoḻda gingae naḻpu'tte libuu we ḵanana, “Annaya ay-ayatoḵe abengḵu ya siya masmas-omaḵ. Dongngonyu da ibagana.”

Matthew 27:43

Antaḻgod ḵan Apudyus woḵ ḵanana, ‘Saḵon Abeng Apudyus.’ Pun ilan taḵu nu iligsin Apudyus sinsadi.”

Matthew 3:13

Pun sa sadi ye timpu, dummatong aḵ Jesus we naḻpu'tte probinsiya'd Galilee woḵ ummoy si tawwang Jordan ta pabonyag ḵan John.

Matthew 3:16

Naabus ḵad aḵ Jesus nabonyagan, daguse tummoḵwaḻ si danum woḵ baag-en nabuḵtan ad langit. Pun innilana Ispiritu Santu we dumoḻadoḻae isunan kalapati woḵ nansap-oy ḵan siya.

Matthew 3:17

Baag-en ḵanan ni gingae naḻpu'd langit, “Annaya Abengḵu we ay-ayatoḵ ya mamas-omaḵ ḵan siya.”

Mark 1:11

Pun dingngoḻna gingae naḻpu'd langite ḵanana, “Siḵa abengḵu we ay-ayatoḵ ya mamas-omaḵ ḵan siḵa.”

Mark 1:9

Sa timpu we nambonyagan John atta tagu, dummatong aḵ Jesus we naḻpu'd Nazareth we ili si probinsiya'd Galilee woḵ ummoy nampabonyag ḵan John atte tawwang Jordan.

Mark 9:7

Pune sadi nannaḵunaḵ libuu ḵan dida pun dingngoḻda gingae naḻpu'tte libuu we ḵanana, “Annaya Abengḵu we ay-ayatoḵ. Dongngonyu da ibagana.”

Luke 2:14

“Madaydayaw aḵ Apudyus ad langit. Anna lin-awa'tta tagu'd lutae mas-omana.”

Luke 4:21

Ḵanana ḵan dida, “Sinsadi ye aḻgaw, nituttuwa sanae Ugud Apudyus atte nandodongngoḻanyu.”

John 1:32

Annaya panoḵnoḵ John si mipanggob ḵan Jesus. Ḵanana, “Naippun tuwa igammuḵ si annae umun-unud ḵan saḵon. Yaḵon sa nangibuun ḵan saḵon aḵ umoy ambonyag si danum ḵanana, ‘Sa ilame ansimpaan ni Ispiritu Santu ya inninggaw ḵan siya, siya angibonyag si Ispiritu Santu atta tagu.’ Ḵad innilaḵ Ispiritu we dummoḻae naḻpu'd langite isun di kalapati woḵ iinggaw ḵan siya.

John 12:28

Pun ḵanana ḵan Apudyus, “Ama, ipailam ḵinadayawnu.” Pun inninggaw gingae naḻpu'd langite ḵanana, “Impailaḵ ḵinadayawḵu ḵad asiḵ os ipaila ḵasin.”

John 5:37

Aḵ Amaḵ we nangibuun ḵan saḵon, tinaḵdoḻanae mismu mipanggob ḵan saḵon yaḵon adiyupun dingngoḻ gingana ḵan innila bosaḻna.

Acts 10:38

Igammuyu we dinutuḵan Apudyus aḵ Jesus we iNazareth ya innatodna Ispiritu Santu ya sa ḵabooḻana ta dinumane ayana, ḵoona da ambaḻu ya ḵinaanna da ampaḵaḻaman da nampaḵapaḵaḻamon Satan te anna'ḵ Apudyus ḵan siya.

Colossians 1:13

Te siya nanagu ḵan ditaḵu si ḵabooḻan ni pangat atte giḵbot woḵ indogana ditaḵu si ampangatan ni ay-ayatonae Abengna,

1 Peter 2:4

Umadani ḵayu ḵan Apu Jesus we mipani si matattagu we batu. Sa annae batu, indiyan da tagu yaḵon siya pinilin Apudyus aḵ ḵapatogan ḵan siya.