Luke 24:44 - Sa Ugud Apudyus

⁴⁴ Pun ḵanana ḵan dida, “Da annae naḵwa, ustuustu'tta imbagaḵ si sissiyaaḵ ḵan diḵayu: Losan atta nigili ye lintog Moses ya da profetan Apudyus ya da losane nigili'tte Psalm atte mipanggob ḵan saḵon ḵasapuḻane mituttuwada.”

Luke 24:44 Iomraidhean Croise

Matthew 1:22

Naḵwa losan da sana ta mituttuwa inugud Apu we Apudyus si awe atte profetanae an-uuggudonae ḵanana,

Matthew 16:21

Inggan ni sadi ye timpu, insaḻad Jesus we angibagabaga'tta disipuluna mipanggob si maḵwa ḵan siya'tte umali ye aḻgaw woḵ ḵanana, “Ḵasapuḻane iyyaḵ ad Jerusalem ya ampaḵaḻamonaḵ atta pallakayon da Judyu ya da papangat da papadi ya da mimistulun ni lintog. Ḵade sadi impagongatda saḵon yaḵon sa miḵaḵlu we aḻgaw, taguwon Apudyus saḵon.”

Matthew 26:54

Yaḵon nu ḵooḵ ḵatti, ngai inon ni nigili'tte Ugud Apudyus we mituttuwae ḵanana ḵasapuḻane ḵaḵna maḵwa ḵan saḵon?”

Matthew 26:56

Yaḵon maḵwa losan da anna sinsadi ta mituttuwa inggilin da profeta si ugudna si awe mipanggob ḵan saḵon.” Imbagan ḵad ay Jesus sadi, losan ummawid da disipuluna woḵ tinenanda'ḵ Jesus.

Mark 9:31

te nantuttudu'tta disipuluna. Ḵanana, “Saḵone Abeng Di Tagu, mipuḻangaḵ atta ḵabusuḻḵu ya gongatonda saḵon yaḵon umuliyaḵ atte miḵaḵlu we aḻgaw.”

Luke 21:22

Te sanat timpu we dusaon Apudyus da tagu ta mituttuwa da nigili si ugudna.

Luke 22:37

Te ḵasapuḻane mituttuwa nigili ye Ugud Apudyus si mipanggob ḵan saḵone ḵanana, ‘Niyiyap atta tulisan.’ Ḵad annan madam-ane mituttuwa.”

Luke 24:46

Ḵanana ḵan dida, “Annaya nigili: Ḵasapuḻane ampaḵaḻam ya matoy Kristu ḵad matagu'tte miḵaḵlu we aḻgaw.

Luke 9:22

Ḵanan Jesus, “Saḵone Abeng Di Tagu, ḵasapuḻane ampaḵaḻamaḵ. Idiyanaḵ atta pallakayon da Judyu, da papangat da papadi ya da mimistulun ni lintog ya gongatonaḵ. Yaḵon sa miḵaḵlu we aḻgaw, taguwon Apudyus saḵon.”

Luke 9:44

“Adiyu maliwatan da ibagaḵ ḵan diḵayu, saḵone Abeng Di Tagu, mipuḻangaḵ atta ḵabusuḻḵu si umali ye aḻgaw.”

John 3:14

Sa ḵingwan Moses, intayagna gambange sinan-uḻog si inninggawanda'tte bumbummaaw. Sadi isun ni maḵwa ḵan saḵone Abeng Di Tagu we ḵasapuḻane mitaḻayag,

John 5:39

Adaadaḻonyu nigili ye Ugud Apudyus te ḵananyupun nu sadi angitod ḵan diḵayu si biyag aḵ inggana. Ḵad sa sanae Ugud Apudyus siya anaḵdoḻ si mipanggob ḵan saḵon.

John 5:46

Ḵad nu amati ḵayu ḵan Moses, amati ḵayu oḵyan os ḵan saḵon te inggilina mipanggob ḵan saḵon.

Acts 13:33

Siya nituttuwa ḵan ditaḵu we ganaḵda te tinaguna'ḵ Jesus. Siya bos nigili si ḵumagwae Psalm we ḵanana, “ ‘Siḵa Abengḵu, inggana sinsadi saḵon Amam.’

Acts 13:40

Pun ummanyu ta adi maḵwa ḵan diḵayu imbagan ni profeta we ḵanana,

Acts 2:27

Te adimpun iwaḻang ḵalidodwaḵ ad Hades we igaw da natoy. Ḵad adimpun os iyunud loposon long-ag ni mismu we sammilum.

Acts 3:18

Yaḵon sa natoyan Jesus, sadi nituttuwaan ni impaigammun Apudyus mipagapu'tta losane profetanae ḵasapuḻane ampaḵaḻam ya matoy aḵ Kristu we ibuunna.

Acts 7:37

Aḵ Moses we mismu nangibaga'tta ganaḵ Israel ḵanane, ‘Sa umali ye aḻgaw, awad de osae profeta we isuḵe ibuun Apudyus ḵan diḵayu we maḻpu ḵan diḵani ye susunude ganaḵ Israel.’

Hebrews 10:1

Sa Lintog ḵad Moses aniniwan da ambaḻu we banage dumatong, daḵampun aḵ tuttuwae ḵais-isun da annae ḵatuttuwaan. Pun taḵon ay tinawone pagapagatupan da andaydayaw ḵan Apudyus we angidatun si imbilin ni lintog, adipun maḵwae ambalin da tagu'ḵ ippun angkuranganda mipagapu'tta datun.

Hebrews 3:5

Aḵ Moses tuttuwae mataḻgodane sammilu we nanserbi'tta losane tagu we namati ḵan Apudyus. Ḵad taḵdoḻana da banage ipaigammun Apudyus we maḵwa si umali ye aḻgaw.

Hebrews 7:1

Aḵ Melchizedek ḵad, siya ari'd Salem si awe ya osa'tta padin ni Ḵangatuwane Apudyus. Sa ummoy Abraham naḵagubatan, illogna da opate ari. Nangulin ḵad, inabot Melchizedek woḵ bindisyunana.

Hebrews 9:8

Ḵad gapu'tte sana, impaigammun ni Ispiritu Santu we adipun maḵwae lumnoḵ tagu si Ḵasantuwane kuwartu we igaw Apudyus, nu sissiyae mausar umunae kuwartun ni tulda.

1 Peter 1:11

Inniggada ḵabooḻandae an-imus nu ḵamaan ni maḵwaana ya ngai inonae mituttuwa, impaigammun ni Ispiritun Kristu ḵan dida mipanggob atte ampaḵaḻamana ya madayawana'tte ampangatana.

Revelation 19:10

Sa nangugudan ni anghel atte sadi, nanalluḵuwaḵe andayaw ḵan siya. Yaḵon ḵanana, “Adipun ḵasapuḻane ḵoom ḵaḵnat! Aḵ Apudyus abuse andayawam! Saḵon ḵad, anserserbiyaḵ ose isum ḵan Apudyus ya da susunudnu ḵan Kristu we sissiyae amati'tta impaigammun Jesus. Te da impaibagan ni Ispiritu Santu atta profeta, naḻpuda si impaigammun Jesus.”