Luke 24:25 - Sa Ugud Apudyus

²⁵ Pun ḵanan Jesus ḵan dida, “Anḵadong-og ḵayu! Ngaipa anḵamnut amatiyanyu'tta losane imbagan da profetan Apudyus?

Luke 24:25 Iomraidhean Croise

Matthew 26:24

Saḵone Abeng Di Tagu, ḵasapuḻane matoyaḵ te siya impaigilin Apudyus atte awe. Yaḵon ḵaddagu tagu we angituyuḵ ḵan saḵon. Unnoyna gay adi niyanaḵ.”

Mark 16:14

Unipun, nampaila'ḵ Jesus atta nasawaḻan aḵ ossaane disipuluna si anḵaḵaḵananda woḵ sinang-ana dida gapu'tte ippun pammatida ḵan tummungitong somsomoḵda te adidapun pinati imbagan da nangila ḵan siya si ummuliyana.

Mark 7:18

Ḵanan Jesus, “Pun taḵon ay os diḵayu, daanyupun os ay maawatan da ituttuduḵ? Adiyupun ḵamman igammu we ngaimane lumnoḵ si sungad ni tagu, daḵampun aḵ mibelang aḵ angaissaw ḵan siya si antotollong Apudyus?

Mark 9:19

Ḵanan Jesus, “Diḵayu we ippun pammatiyu si sanae lunap! Ḵamaan ni inggawaḵ ḵan diḵayu ya asi ḵayu amati? Ḵamaan ni ampatinggaan ni anusḵu ḵan diḵayu?” Pun ḵanana'tte aman ni abeng, “Idatongnu abeng ḵan saḵon.”

Luke 24:24

Pun ummoy ḵad os da udume buḻunni si libon, nataagda te losan atta imbagan da bubai tuttuwa yaḵon ippun os innilada ḵan Jesus.”

John 5:39

Adaadaḻonyu nigili ye Ugud Apudyus te ḵananyupun nu sadi angitod ḵan diḵayu si biyag aḵ inggana. Ḵad sa sanae Ugud Apudyus siya anaḵdoḻ si mipanggob ḵan saḵon.

1 Corinthians 15:3

Sa intuttuduḵ ḵan diḵayu, sadi amo ummunae ḵapatogane inigammuḵe natoy aḵ Kristu gapu'tta basuḻ taḵu we mibatay atte nigili ye Ugud Apudyus.