Luke 23:4 - Sa Ugud Apudyus

⁴ Pun ḵanan Pilate atta papangat da papadi ya da adu we tagu, “Naippun indasaḵ aḵ basuḻ ni annae tagu.”

Luke 23:4 Iomraidhean Croise

Matthew 27:19

Sissiya ḵade tutuḵdu'ḵ Pilate si tutuḵduwan ni ḵuwis, nambuun aḵ asawana'ḵ umoy angibaga ḵan siya ḵanane, “Adim dusaon sanate naun-unane tagu. Te sa labi, inin-inopḵu mipanggob ḵan siya ya nampaḵaḻamonaḵ gapu ḵan siya.”

Mark 15:14

Pun ḵanan Pilate, “Ngaipa? Ngai ḵad ain ḵingwana?” Yaḵon amo ḵanandae nanugtug-uy, “Paipattoḻnu atte kros!”

Luke 23:22

Piḵlun ḵad Pilate we naḵaugud ḵan dida, ḵanana, “Ngaipa? Ngai ḵad ain ḵingwanae gapun ni mapatoyana? Naippun indasaḵ aḵ basuḻ ni annae tagu. Pun taḵon ay nu paaplitḵu ya puḵayaḵ.”

John 18:38

Ḵanan Pilate, “Ngai ḵatuttuwaan?” Imbagana ḵad sadi, lummawa ḵasin woḵ ḵanana'tta Judyu, “Naippun indasaḵ aḵ basuḻ ni annae tagu.

Acts 25:25

Yaḵon ippun paat indasaḵ aḵ ḵingwana'ḵ labbongnae magongat. Pun gapu ta indatagnae mismu ḵasusna si Emperor ad Rome, simsimmoḵḵu we ibuunḵu sidi.

Acts 3:13

Daḵampun ḵan diḵani yaḵon sa Apudyus da Abraham, Isaac, Jacob ya da losane danaḵḵoḻ taḵu. Siya namataddaḻan si laḻaḵi ta maila ḵinaapudyus Jesus we nanserbi ḵan siya si annae lubung. Aḵ Jesus, siya impuḻangyu'tta papangat ya indiyanyu si sinagung Gobernor Pilate atte simsimmoḵnae piona puḵayan.

Hebrews 7:26

Ḵad aḵ Jesus ḵangatuwane padi taḵu we ustuustu we siya ḵasapuḻan taḵu. Te nasantuwan, ippun ḵadellawana ya ippun basuḻna. Nitotoḵḵon atta ḵabasbassuḻan woḵ nipangatu'd langit.

1 Peter 1:19

yaḵon sa ampatoge daḻan Kristu si natoyana para ḵan ditaḵu. Sa nangidatunana si mismu we long-agna isun di ubbu we karnero we ippun paat ḵaissawna ya ippun dipiktunae nidatun ḵan Apudyus.

1 Peter 2:22

Adipun paat naḵabasuḻ ya ippun paat nantultulliyana.

1 Peter 3:18

Te aḵ Kristu, namingpingsane nampaḵaḻam ya natoy gapu'tta basuḻ taḵu. Sa naun-unan, natoy para ḵan ditaḵu we adipun naun-unan ta iyadanina ditaḵu ḵan Apudyus. Gingngatda nainlubungane long-agna yaḵon ummuli ḵad, daguse naispirituwan long-agna.