Luke 23:27 - Sa Ugud Apudyus

²⁷ Inninggaw os da amoamode tagu we nitun-ud ḵan Jesus ya da bubai ye sin-iibil ḵan andomdom.

Luke 23:27 Iomraidhean Croise

Matthew 11:17

“ ‘Nanadoḵ ḵani, yaḵon adiḵayupun nanangni. Pun nanḵanḵanta ḵani'tta ḵanḵanta'tta bagungon, yaḵon adiḵayupun os naḵadomdom.’

Matthew 27:55

Inninggaw os da adu we bubai ye nan-oottap. Dida da nibuḻun ḵan Jesus we naḻpu'tte probinsiya'd Galilee ye nanserserbi ḵan siya.

Mark 15:40

Inninggaw os da bubai ye nan-oottap. Dida da Mary Magdalene ya aḵ Mary ye inan da Joses ḵan James we nginadananda'ḵ ḵaabengan ya aḵ Salome.

Luke 23:28

Yaḵon nantawili ḵad aḵ Jesus ḵanana, “Bubbubai ye iJerusalem, daḵampun oḵyan aḵ saḵon ibilanyu yaḵon siya ibilanyu da long-agyu ya da abengyu.

Luke 23:55

Da bubbubai ḵade naḵaoy ḵan Jesus we naḻpu'tte probinsiya'd Galilee, nibuḻunda ḵan Joseph woḵ innilada nangilibonana ḵan Jesus ya sa inonae nangilibon.

Luke 8:2

Inninggaw os da nibuḻune udume bubai ye ḵinaan Jesus da saḵitda ya pinaḻyawna da aḻan ḵan dida. Nidoga'ḵ Mary ye maawagan aḵ Magdalene we napaḻyaw da pitu we aḻan ḵan siya.

Luke 8:52

Nandomdom ḵan ummibil da losane tagu sidi yaḵon ḵanan Jesus ḵan dida, “Guminoḵ ḵayu te sa annae babaḻasang, daḵampun aḵ natoy. Masusuyop.”

John 16:20

Ibagaḵ ḵan diḵayu ḵatuttuwaan, umibil ya andomdom ḵayu yaḵon anggangganas da tagu we adipun amati. Ḵad andadauy ḵayu yaḵon sa dadauyyu ambalin aḵ laylayad.