Luke 23:25 - Sa Ugud Apudyus

²⁵ woḵ pinuḵayana tagu we pionda papuḵaye nibaḻud gapu'tte nangguluwana ḵan ginnumngatana. Yaḵon aḵ Jesus, impuḻangna'tta suḻdadu ta ipattoḻda'tte kros ta mituttuwa pionda'tte mipanggob ḵan siya.

Luke 23:25 Iomraidhean Croise

Matthew 27:26

Pune sadi, pinuḵayan Gobernor Pilate aḵ Barabbas woḵ impaap-aplitna'ḵ Jesus, pun impuḻangna'tta suḻdadu ta umoyda ipattoḻ atte kros.

Mark 15:15

Pun pinuḵayan Pilate aḵ Barabbas te pionae mat-op da amode tagu. Pun impaap-aplitna'ḵ Jesus, nagangput pun impuḻangna'tta suḻdadu ta ipattoḻda'tte kros.

Luke 23:2

indaḻumda'ḵ Jesus woḵ ḵananda, “Indasanni annae tagu we al-allelawona da susunude ganaḵ Israel. Sa ḵumagwa, ḵananae adiḵanipun oḵyan ambayad si bugis atte Emperor ad Rome ya sa ḵumaḵlu, ḵananae siya Kristu we Ari.”

Luke 23:24

pun iyyunudna pionda,

Luke 23:26

Pun sa nangitallayanda ḵan siya, dinoḵmaanda'ḵ Simon we iCyrene we naḻpu'tta ili ye umoy atte siyudad woḵ impabuḵudda de kros ta mitun-ud ḵan Jesus.

Luke 23:5

Yaḵon ḵanandae nangipatut, “Ginuluguluna da adu we tagu'tte intero we probinsiya'd Judea. Insaḻadnae nantuttudu'tte probinsiya'd Galilee woḵ dummatong ad Judea ya taḵon ay sinsadi sina'd Jerusalem.”

John 18:40

Ḵanandae nangiyipḵaw, “Adim aḵ Jesus puḵayan! Yaḵon aḵ Barabbas puḵayam!” Aḵ Barabbas ḵad tulisan.

John 19:16

Pun impuḻang Pilate aḵ Jesus atta suḻdadu ta umoyda ipattoḻ atte kros.

Acts 3:14

Yaḵon indiyanyu gattoḵe abus aḵ nasantuwan ya naun-unan woḵ siya ḵindawyu ḵan Pilate we puḵayana pumappatoy.